Index Anillo Verde de Vitoria-Gasteiz

Loreontzietako lorezaintza lantegiak

Loreontzietako lorezaintzari buruzko lantegiak aukera interesgarria dira, loreak, lorategiko landare zurkarak eta landare erabilgarriak hazten ikasteko, estalpetik kanpoko ingurune natural batean.

Lantegiak Olarizuko Baratzeetan (Jauregilanda kaleko ibilbidearen bukaeran) eta Olarizuko Etxaldean egingo ditugu.

• Edukiak eta datak:
  1. 2007ko urriaren 15etik azbenduaren 19ra: Udazkeneko lantegia. Terrazarako eta balkoirako neguko loreak, loreontzian: tulipak, nartzisoak, hiazintoak, udaberri loreak, pentsamenduak, landare bizikorrak, eta abar. Ontzietarako substratuak eta nahasketak
  2. 2008ko urtarrilaren 14tik martxoaren 31ra: Neguko lantegia. Loreontzi txiki nahiz handietan, kanpoan edukitzeko zurezko landareak: konifero nanoak, hosto galkor nahiz iraunkorreko hostotsuak, erromeroa, ezkaia, izpilikua. Hazitokiak. Ontziak (jardinerak, tinak, otarreak, eta abar)
  3. 2008ko apirilaren 7tik ekainaren 18ra: Udaberriko lantegia. Barlasai, balkoi eta terraza loretsuak: Udako loreak. Landare konposizioak eta taldekatzeak. Landare lurrintsuak, sukaldaritzakoak eta sendagarriak
• Lekua: Olarizuko etxaldea eta Olarizuko baratzeetako mintegia
• Hartzaileak: Edonor
• Parte-hartzaileen kopurua: 30 ikaslerentzako tokia dago lantegi bakoitzean: 15entzako tokia goizez, eta beste 15entzako arratsaldez. Ikasleak onartzeko, izen‑ematearen hurrenkerari jarraituko zaio. Lantegi guztietan parte hartzeko aukera badago
• Iraupena: 20 egun. Jarduera bakoitzak ordu eta erdi irauten du eguneko, astelehen eta asteazkenetan. Goizeko lantegiak 11:00etatik 12:30era dira eta arratsaldekoak 16:00etatik 17:30era
• Tarifa: 33,18 euro ordaindu behar dira, matrikulagatik. Langabeentzat, erretiratuentzat eta 65 urtez gorakoentzat, 16,59 eurokoa izango da tarifa
• Izena emateko epeak:
  1. Udazkeneko lantegia: 2007ko irailaren 24tik urriaren 11ra
  2. Neguko lantegia: 2007ko abenduaren 17tik 2008ko urtarrilaren 11ra
  3. Udaberriko lantegia: 2008ko martxoaren 25etik apirilaren 4ra
• Oharrak:
  1. Matrikula ordaindu arte izena ematea ez da behin betikoa izango
  2. Lantegi bakoitzeko parte‑hartzaileek lehentasuna izango dute hurrengo lantegirako izena-ematea epe hauetan eskatuz gero:
     1. Neguko lantegia: 2007ko abenduaren 10etik 14a arte
     2. Udaberriko lantegia: 2008ko martxoaren 10etik 18a arte