Index Anillo Verde de Vitoria-Gasteiz

Aisialdiko baratzezaintza ekologikoa

Jarduera honek bi helburu nagusi ditu: batetik, gure aisialdia modu osasuntsuan pasatzea, naturatik gertu; bestetik, nekazaritza ekologikoa zabaltzea eta sustatzea. Oraingoz, eta baratze gehiago jartzeko lekua lortu bitartean, jarduera hau baratzezaintza ekologikoari buruzko bi ikastaro teoriko-praktikoz osatuko da.

Adinekoentzako aisialdiko baratzezaintza ekologikoko ikastaroa

55 urtetik gorakoa bazara eta zure aisialdiaz aterpetik kanpo gozatzea gustuko baduzu, orain aukeran duzu baratzea modu ekologikoan lantzen ikastea eta zeure barazkiak eta loreak produzitzea. Oso modu praktiko eta errazean, zure baratzea era iraunkorrean eta ingurumena errespetatuz lantzeko behar dituzun oinarrizko teknikak ikasiko dituzu.

Ikastaroa bukatutakoan, nahi duten parte-hartzaileek, lanbide jarduerarik egiten ez badute, lursail bat (75 m² inguru) lagatzea eskatu ahal izango dute, urtebetez baratzezaintza ekologikoan aritzeko (urtez urte luza daiteke epea).

• Tokia: Urarteko baratzeak (Abetxuku)
• Iraupena: Maiatzetik uztaila arte (60 ordu)
• Ordutegia (txanda bi):
  • Astelehen, asteazken eta ostiraletan, 9:00-11:00 edo 11:30-13:00
• Hartzaileak: 55 urtetik gorakoak
• Plazak: 30 lagun
• Izena emateko epea: 2008ko martxotik apirilera

18 eta 55 urte arteko lagunentzako aisialdiko baratzezaintza ekologikoko ikastaroa

18 eta 55 urte artean badaukazu, beste ikastaro honetan eman dezakezu izena. Hemen, baratze bat modu iraunkorrean eta ingurumenarekiko begirunearekin lantzen hasteko lehen nozioak jasoko dituzu.

Aurreko ikastaroan bezala, behin ikastaldia bukatu ondoren 30 parte hartzaileek 75 m²-ko lursail bat izango dute ikastaroan ikasi dituzten kontzeptuak praktikan jartzeko.

• Tokia: Urarteko baratzeak (Abetxuku)
• Iraupena: 2008ko maiatzetik uztailera
• Hartzaileak: 18 eta 55 urte arteko pertsonak
• Plazak: 30
• Izena emateko epea: 2008ko martxotik apirilera