Index Anillo Verde de Vitoria-Gasteiz

07/01/11 - Hezeguneen Mundu Egunean zinema, hitzaldiak, hegaztien behaketa eta bisitaldi gidatuak izango ditugu

Hezeguneen mundu eguna urtero ospatzen da, otsailaren 2an, Hezeguneen Ituna onartu zen eguna gogoratzeko. 1997tik aurrera, urtero-urtero, erakunde ofizialek, gobernuz kanponko erakundeek eta komunitatearen maila guztietako herritar taldeek aukera hau baliatzen dute hezeguneen balioak eta haiek dakartzaten onurak nabarmenduko dituzten hainbat jarduera eta ekintza gauzatzeko.

Aurten, hezeguneei buruzko Ramsar Itunak hezeguneen eta arrantzaren arteko harremana nabarmendu nahi izan du egun honetan. Hautu honen arrazoiak hauek dira:

• Mila milioi pertsonentzat arrantza animali jatorriko proteinen iturri bakarra da.
• Arrantzaren egoera munduan: merkataritza aldetik garrantzia duten itsas arrain populazioen %75ak eta ur kontinentaletako arrain gehienek gehiegizko ustiapena jasaten ari dira edo beren muga biologikotik hurbil arrantzatuak izaten ari dira, eta gero eta kezkagarriagoak dira akuikultura jarduera iraungaitzek hezeguneetako ekosistemetan dituzten ondorioak.
• Barneko zein itsasaldeko hezeguneek gero eta garrantzi gehiago dute arrainen eta arrantzaren biziraupenerako, bai eskala handiko arrantza komertzialerako bai iraupeneko arrantzaleentzako, eta basa animalien harrapatze jardueretatik haztegietako arrainen hazkuntzaraino. Itsasertzeko hezeguneek funtsezko lana betetzen dute itsas espezie askoren arrabatze eta hazkuntza leku gisa. Hau guztia dela-eta, arrantzaren eta berau sostengatzen duten hezegune ekosistemen ordenamendu eraginkorraren premia larria dago.
• 2005eko azaroan Ramsar Itunak ebazpen bat eta honi atxikiriko hainbat gai eta aholku onartu zituen arrantza baliabideen kontserbazio, ekoizpen eta erabilera iraunkorraren inguruan. Agiri honetan, Ituneko 152 alderdi kontratugilek konpromisoa hartu zuten hezeguneetan arrantza jarduera iraunkorrak finkatu eta mantentzeko.

Hezeguneen egoera, balio, funtzio eta mehatxuen inguruko gogoeta egin nahi den egun honetan, Ingurugiro Gaietarako Ikastegiak ibaiak hartu ditu jomugatzat, gurengandik hurbil dauden eta kontserbazio arazo handiak dituzten ekosistemak baitira.

Jardueren egitaraua

07.01.27
Vitoria-Gasteizen ongietorria antzarei
10:00-14:00
Tokia: Arkautiko urmaela (Salburuko hezeguneak)

07.01.31
Egitarau hau aurkezteko prentsaurrekoa

07.02.01
Zinema: El río de la vida
19:45
Tokia: Florida Zinemak
Sarrera: 2 euro

07.02.03
Ibilbide gidatua Zadorra ibaian zehar: Eskalmendi-Gamarra-Eskalmendi
10:00-14:00
Tokia: Eskalmendiko aparkalekua
Izena ematea: CEA (945 162696, ceaadmin@vitoria-gasteiz)

Negua Salburuan igarotzen duten hegazti akuatikoen behaketa
10:00-15:00
Tokia: “Los Fresnos” behatokia (Arkautiko urmaela, Salburua)

07.02.04
Ibilbide gidatua Zadorra ibaian zehar: Abetxuku-Atxako muinoa (Ibaiondo)
10:00-14:00
Abetxukuko autobus geltokia
Izena ematea: CEA (945 162696, ceaadmin@vitoria-gasteiz)
 
Negua Salburuan igarotzen duten hegazti akuatikoen behaketa
10:00-15:00
Tokia: “Los Fresnos” behatokia (Arkautiko urmaela, Salburua)

07.02.06
Zinema: La Reina de África
19:45
Tokia: Florida Zinemak
Sarrera: 2 euro

07.02.07
Argazki proiekzio iruzkinduna: Zadorra ibaiko paisaia irudi bidez. Victor Peñas
20:00
Tokia: Ignacio Aldecoa Kultur Etxea (La Florida parkea)
Sarrera doan edukiera bete arte

07.02.08
Zinema: La Pesadilla de Darwin
19:45
Tokia: Florida Zinemak
Sarrera: 2 euro

07.02.23
Gaueko bisitaldiak baso-igel jauzkaria ikusteko
19:30-21:30
Tokia: Salburuko parkeko informazio puntua (Arkauti)
Izena ematea: CEA (945 162696, ceaadmin@vitoria-gasteiz)

07.03.02
Gaueko bisitaldiak baso-igel jauzkaria ikusteko
19:30-21:30
Tokia: Salburuko parkeko informazio puntua (Arkauti)
Izena ematea: CEA (945 162696, ceaadmin@vitoria-gasteiz)