Montehermoso Rock on top
Rockumentalen zikloa jatorrizko bertsioan, Helena Gonzálezek aurkeztuta (Zinhezba).
Rockumentala edo dokumental musikala zinema industrian ospe handiko generoa da gero eta presentzia handiagoa duena Cannes, Venezia edo Berlin bezalako jaialdi garrantzitsuetan. Askotan, Martin Scorsese, Jim Jarmush, Jonathan Demme edo Wim Wenders bezalako zinemagile ospetsuek zuzendu izan dituzte dokumental musikalak.
Rock taldeen bizitza zineari eta beste ikus-entzunezkoei interesatu izan zaie betidanik, bai fikziotik, bai dokumentaletik. Laugarren edizioan, Montehermoso Rock on Top zikloak lau rockumental programatu ditu, 2025eko Azkena Rock Festivalen kartelean parte hartzen duten artistei buruzkoak.
Zineaz eta musikaz beste ikuspegi batetik goza dezazun nahi dugu!
Programa eta gonbidapenak
Lortu dokumentalak ikusteko gonbidapenak esteka honetan edo 945 16 18 30 telefonora deituz. Edukiera mugatua.
ARF zozketa
Gainera edizio honetan, dokumentalak ikustera hurbiltzen diren pertsonek bi esperientzia bikoitz irabazi ahal dute zozketa bidez. Esperientzia bakoitzak tour, backstage afari eta merchandising-pack bana barne hartzen du, ekainaren 20rako (ostirala), Azkena Rock Festivalen. Gasteizko Mendizabaleko gune ikonikoan sartzera eta egun horretako programatutako taldeekin gozatzera gonbidatzen zaitugu.
Dokumental-zikloaren azken emanaldia amaitutakoan egingo da zozketa, The Public Image is Rotten dokumentalaren ondoren, hain zuzen ere, ekainaren 18an, Montehermoso Kulturuneko Ortuño aretoan.