Hirian hezi – Informazio adierazgarria

Hirian hezik 200 jarduera baino gehiago eskaintzen dizkio Gasteizko hezkuntza komunitateari: hitzaldiak, tailerrak, kontzertuak, bisitak, zinema, antzerkia, kirol hastapenak, erakusketak, ibilbideak...

Hirian hezi Gasteiz Hiri Hezitzailea proiektuaren parte da.

1. Inskripzioa

  • Inskripzio orokorra: irailaren 5tik, 8:30etik aurrera, irailaren 22ra arte.
  • Lehentasunezkoa: irailaren 3tik, 8:30etik aurrera, irailaren 22ra arte.
  • Eskolaz kanpoko taldeak: irailaren 23tik 26ra arte, tokirik balego.

*Jardueraren batek inskripzio-data espezifikoak izan ditzake.

**Lehentasun-maila: izena ematea hasi aurretik, Hezkuntza Zerbitzuak lehentasun-maila jakinaraziko die ikastetxeei. Neurri hau gizarte-kohesioa eta hezkuntza-ekitatea hobetzeko erronkari erantzuteko sortu da.

2. Difusioan laguntzea

Nola lagun dezakete ikastetxeek proiektua zabaltzen?

2021-2022 ikasturtetik aurrera ikastetxeei gonbita egiten zaie Gasteiz Hiri Hezitzailea proiektua zabaltzen laguntzeko; eta horren baitan Hirian heziko jarduerak daude.

Helburua da eskola-komunitatearen barruan ezagutaraztea, bereziki ikasleen eta familien artean, ikastetxeak hiri-proiektu komun baten parte direla azpimarratzeko.

Zer egin?

Ikastetxe batek Hirian hezi hezkuntza-jardueretan parte hartzen duenean —adibidez, familiekiko komunikazioan, Urteko Planean edo Memorian, webgunean edo sare sozialetan—, honako testua jasoko du Gasteiz Hiri Hezitzailea proiektuaren irudi grafikoarekin batera:

“Gure ikastetxea Vitoria-Gasteiz Hiri Hezitzailea proiektuaren parte da Hirian Hezi hezkuntza jardueretan parte hartzen duelako. Hezkuntza-ekintzaren bidez gizarte-kohesioan eta -ekitatean aurrera egiteko hiri-konpromisoa partekatzen dugu.”

descargar Logotipoak deskargatu

3. Iradokizunak eta hobekuntzak

Proposamenak eta iradokizunak bidaltzeko bideak: udal zerbitzuekin eta erakunde antolatzaileekin harreman zuzena izateaz gain, zentroek honako kanalak erabil ditzakete ideiak, iradokizunak edo proposamenak bidaltzeko:


Aurki gaitzazu: www.vitoria-gasteiz.org/hirianhezi

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.