Vitoria-Gasteiz Hobetuz: bozketa fasean izango diren proposamenak

Vitoria-Gasteiz Hobetuz ekimenaren hirugarren ediziora aurkeztutako proiektuen bideragarritasuna aztertzeko fasearen ondoren, azaroaren 8tik 28ra bitartean egingo den bozketa-fasean 128 proposamen izango dira. Ordura arte, botoa eman aurretik, herritarrek horien berri izateko eta eztabaidatzeko aukera izango dute.

Bozketa-fasera igaro diren proposamenak

Bozketa fasera igaroko diren proposamenak 4 eremutan taldekatu dira. Eremu horietako bakoitzean bildutako proposamenak kontsulta itzazu:

Proposamenen bideragarritasun irizpideak

Udalak, honako irizpide hauen arabera aztertu ditu proposamenak, bideragarriak diren edo ez ebazteko:

  • Konpetentzia: Proposamenek udal-eskumenekoak izan behar dute. Euskal Autonomia Erkidegoko beste administrazio publiko baten (Arabako Foru Aldundia, Eusko Jaurlaritza edo beste udal batzuk) eskumeneko proposamenak jasotzen badira, Udalak administrazio horietara bideratu beharko ditu, eta hala jakinaraziko die ekimena aurkeztu duten pertsonei.
  • Interesa: Aurkeztutako proposamenek interes orokorrekoak izan behar dute, ez interes pribatukoak.
  • Lurralde-eremua: Gasteizko udal-mugartera mugatzen diren proposamenak aurkeztu ahal izango dira, udalerrian dauden 63 toki-erakunde txikiak barne (mapa). Auzo bakoitzeko, zein landa eremuko, espazio publikoari lotutako hiru proiektu gauzatuko dira gehienez.
  • Zeri buruz: Inbertsioei (aurrekontuko 6. kapitulua) nahiz programei (aurrekontuko 2. kapitulua) buruzko proposamenak egin daitezke. Inbertsioak bide publikoko obrak izan daitezke, berriak nahiz lehendik zeudenak mantentzekoak, edo herritar guztientzako sarrera librea duten udal-eraikin edo -instalazioetako jarduketak, horiek erabiltzeko eta horietara sartzeko ordainketarik egin behar ez denean. Programak, jarduerak, zerbitzuak, kanpainak eta abar udaleko edozein zerbitzuri dagozkionak izan daizteke.
  • Bide publikoko jarduketei ez dagozkien programa eta inbertsioetarako, aurrekontuaren %20 erreserbatuko da.

Era berean, Baztertutako proposamenak pdf jasotzen dituen dokumentua kontsulta dezakezu.

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.