GoGasteizKultura

#GoGasteizKultura estrategiak Kultura Plan Estrategikoan jasotako eskari nagusietako bati erantzun dio: kultur zabalkundea hobetzea.

Zein komunikazio-kanal digital erabiltzen ditu Go Gasteiz Kulturak?

Sare sozialak: Facebook, Twitter eta Instagram-en aurkituko gaituzu @GasteizKultura profilaren bitartez.

Bloga: sorturiko eduki propioa gasteizkultura.org blogean dago. Bertan, hainbat atal, erreportaje eta sektore artistiko eta kulturalari lotutako elkarrizketak biltzen dira, batez ere lokala.

Newsletter: 2019ko azken hiruhilekoan, buletin elektronikoen zerbitzu bat aktibatuko da, eta erregistro-formulario honen bidez alta eman dezakezu.

Ildo editoriala

• Eragile artistiko eta sortzaileak eta hiriko espazio eta proiektu kulturalak ikusaraztea, bai izaera publikokoak zein pribatuak.
• Partaidetza eta kultur kontsumoa sustatzea: kulturaren publikoak bilatzea, zabaltzea eta sendotzea.
• Kulturari bere balioa ematea hiri mailan.
• Sektoreko profesionalentzako garrantzitsua den informazioa eskaintzea.
• Hiriko Kultura Plan Estrategikoari lotutako lan-ildo, ekintza eta programen berri ematea.

Zer ez da Gasteiz Kultura?

• Ez da Gasteizko kultur agenda.
• Ez da komunikazio estrategia instituzionala eta politikoa. Publikoaren eta pribatuaren arteko elkarbizitza bilatzen dugu, gure hiriko jarduera artistiko eta kulturalaren globaltasunera hurbildu ahal izateko.
• Ez da interes indibidualen edota partikularren zerbitzuan lan egiten duen tresna: horregatik, bere edukiak sortzeko, kalitate eta interes orokorreko irizpideez gain, kultura- eta sormen-sektoreen ikusmenaren orekari egokitzen saiatuko da.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.