Gazteria - Gazte Informatzaileen Sarea

Gazte Informatzaileen Sarea 15 eta 25 urte bitarteko ikasleek osatzen dute. Ikasle horiek, beren ikastetxeetatik, gazteen intereseko gaietan (zerbitzuak eta baliabideak, prestakuntza, bekak, lehiaketak, enplegua, aisialdia, etab.) informazioa erakartzeko eta zabaltzeko prozesuaren protagonista bihurtzen dira.

Informazioa biltzeko eta zabaltzeko, informazio-panelak eguneratzen dituzte ikastetxeetan, eta informazio-bideo laburrak grabatzen dituzte Gazteria Zerbitzuaren sare sozialetarako edo aurrez aurreko arreta ematen dute beren ikastetxeetako ikasleei.

Gazte Informaziorako Bulegoak koordinatutako programa da. Bertan, gazte informatzaileek ekarpen ekonomikoa jasotzen dute ikasturte batean egindako lanagatik.

Ikastetxeetako informazio-panelei gazte-informazioko panel-sare bat gehitzen zaie udal-ekipamenduetan (gizarte-etxeetan, kiroldegietan...).

2025-2026 ikasturteko deialdia

Nola parte hartu

Gaztea bazara: jar zaitez harremanetan zure ikastetxearekin DBHko 4. mailako, Batxilergoko edo Lanbide Heziketako ikaslea bazara. Esan informatzaile izatea gustatuko litzaizukeela.

Ikastetxea bazara: deialdi honen oinarriak kontsultatu ondoren, eskabidea eta eranskinak bete eta erregistratu, Gasteizko Udalaren egoitza elektronikoaren bitartez edo Herritarren Arretarako Bulego batean.