Kirol jarduerak gizarte etxeetan eta kirol instalazioetan - 2021eko uda

Uda iristearekin batera, gure bizitzaren erritmoa eta ohiturak aldatu egiten dira, eta gure aisialdia ere sasoi berrira egokitzen da. Era berean, udal jarduerak garai berrien arabera moldatu eta berariazko ekintza eta zerbitzuak eskaintzen dira.

Gustuko kirol jarduerarekin jarraitu edo jarduera berriei ekin nahi badiezu, aukera zabala eskaintzen dizugu.

Izen-ematea

Izen-ematearen hasiera: 2021eko ekainaren 9an (goizeko 8:30etan hasita)

Udalaren web orrian:

Jardueren kontsulta eta izena ematea

Beste aukera batzuk:

Ohar garrantzitsua: Bai Gamarran zein Mendizorrotzan izango diren jardueretan izena emateko beharrezkoa izango da bazkide izatea edo Gamarrako udako denboraldirako abonamendua izatea.

Atera abonamendua!

Udalaren kirol instalazioen abonamenduak abantaila asko eskaintzen ditu: prezio murriztuak kirol jarduerak egiteko eta igerilekuak, aldagelak, dutxak eta izotz pista erabiltzeko, edo inslazaioetan sartzeagatik ordaindu beharrik ez izatea kirolen batean arituz gero.

Izan ere, jarduera hauetan % 40ko deskontua izango duzu:

  • Udalaren kirol jardueretan (orain arte bezala)
  • Arlo hauetako ikastaroetan: kultura, jarduera artistikorako hastapenak, elikadura eta osasuna, eta gizarte sustapena
  • Gizarte etxeen sareko ludoteka eta ludoklubetan

Informazio gehiago: Udalaren gizarte etxe eta kirol instalazioetako bazkide izateko eskabidea

Hilabeteko ikastaroen egutegia

  • Uztaileko ikastaroak: 3tik 30era arte
  • Iraileko ikastaroak: 1etik 28ra arte

Hilabeteko jarduerak pdf

Bi asteko ikastaroen egutegia

  • Uztailaren lehenengo bi asteak: 3tik 16ra arte
  • Uztailaren bigarren bi asteak: 17tik 30era arte
  • Irailaren lehenengo bi asteak: 1etik 14ra arte
  • Irailaren bigarren bi asteak: 15etik 28ra arte

Bi asteko jarduerak pdf

Oharrak

  • Izena aurrez aurre ematen bada, gehienez, 4 izen eman ahalko dira aldi berean.
  • Langabeek eskainitako jardueren prezioetan ─bai bazkideen prezioetan, bai bazkideak ez direnen prezioetan─ % 15eko hobaria izango dute. Kuota murriztua izateko honela jardun beharko da:
    • Aurrez aurre ordaintzen bada, ordaintzeko unean aurkeztu behar dira agiriak.
    • Udalaren webgunearen bidez ordaintzen bada, dagokion tarifa ordaindu beharko da eta, ondoren, kuota murriztua eskatu. Horretarako inprimakia bete eta egiaztagiria erantsi beharko da, egoitza elektronikoaren bidez.
    • Hala ere, kuota murriztu hori ez da aplikatuko 16 urtetik beherakoentzako jardueretan.
  • Izena eman duen pertsonak delako jardueran esku hartzerik ez badu, jarduera hasten den eguna baino lehen jakinarazi beharko du; hala egin ezean, galdu egingo du ordaindutako kuota. Kuota itzultzen bada, berriz, kontu korrontean sartuz egingo da. Eta ordaindutakoaren % 85a itzuliko da, eta % 15a gorde, kudeaketaren gastuengatik.
  • Izen emateen kopuru jakin batera heldu ezean, bertan behera utzi ahal izango dira ikastaroak. Kasu horretan, ordaindutakoaren % 100a itzuliko da.
  • Instalazioaren gehienezko edukiera beteta balego, ekintzan parte hartzeko xedearekin sartzeko aukera izango zenuke (ordu erdi lehenago). Halere, derrigorrezkoa izango litzateke instalaziotik ateratzea ekintza bukatzerakoan. Leku guztiak beteta ez baleude, berriz, sartu eta gehienezko denbora bete arte instalazioan izateko aukera izango da.
  • Eguraldi txarragatik ez da ikastaroaren dirua itzuliko.
Jarduerei buruzko oharrak
  • Padela, tenisa eta hondartza boleibola: udako denboraldian pertsona bakoitzak gehienez ikastaro bat egin ahal izango du.
  • Padela, tenisa eta mahai-tenisa: pala edo erraketa norberak eraman behar du.
  • Squasha: erraketa eta zola zuriko edo “non-marking” oinetakoak norberak eraman behar ditu.
  • Igeriketa estiloak: beharrezkoa da 25 m hiru estilotan igeri egiten jakitea.
  • Gamarrako ikastaroak: Gamarrako udako ikastaroetan izena emateko, nahitaezkoa da bazkidea izatea, edota Gamarrako udako denboraldirako abonamendua izatea.
  • Mendizorrotzeko ikastaroak: Mendizorrotzeko udako ikastaroetan izena emateko, nahitaezkoa da bazkidea izatea.

Ariketa fisikoa eta kirola egiteko kontuan hartu behar diren prebentzio-neurriak

Gogoratu: Osasun- eta gizarte- krisiaren ondorioz, kirol-jarduerak egiteko orduan prebentzio-neurriak kontuan hartu behar dira.

Egin jarduera fisikoa eta kirola modu seguruan!

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.