Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Gazte Talent – Musika talde gazteen lehiaketa
Zer da Gazte Talent?
Gazte Talent, Jimmy Jazz Elkarteak Gasteizko Udalaren Gazteria Zerbitzuarekin elkarlanean antolatzen duen musika talde eta bakarlari gazteen lehiaketa da.
Gasteizko Kultura Zerbitzua, Arabako Foru Aldundiaren Kultura Saila, Laboral Kutxa eta Araba Euskarazen laguntza du.
Arabako Lurralde Historikoan eta Trebiñuko Konderrian bizi, ikasi edota lan egiten duten 14-35 urte bitarteko gazteek har dezakete parte. Taldekideen % 25a 35-40 urte bitartean izatea onartuko da.
2024an 10. edizioa ospatuko du lehiaketak. Sortzen gazte sorkuntza programaren baitako deialdia da.
Izen ematea
Izena emateko epea irailaren 19tik azaroaren 19ra artekoa izango da, biak barne.
Izen-ematea online edo fisikoki egin ahalko da:
- Online: posta elektroniko bat bidalita gaztetalent@gmail.com helbidera, gaian “Gazte Talent 2024” eta taldearen edota bakarlariaren izena jarrita.
- Fisikoki: Jimmy Jazz aretoaren bulegoetan (Aldabe kalea 34, 1. esk. - Ordutegia: 10:00 -14:00) edota Gazteen Argibideetarako Udal Bulegoan (Plaza Berria 1 - Ordutegia (astelehenetik ostiralera): 10:00 - 14:00 eta 17:00 - 19:00 (arratsaldez astearte eta ostegunetan soilik)) .
Lehiaketaren oinarriak
Nahiago baduzu, oinarriak deskargatu 
Zuzeneko kontzertuak
Talde edo bakarlari finalistek 30 minutuko kontzertua prestatu beharko dute. Zuzeneko emanaldiak Jimmy Jazz aretoan izango dira 2024ko abenduaren 3 eta 4an, arratsaldez.
Talde edota bakarlari finalista guztiek 200 € jasoko dituzte zuzeneko kontzertua eskaintzeagatik.
Zuzeneko emanaldian musika arloko profesionalek osatutako epaimahaia egongo da. Bestalde, emanaldira hurbiltzen diren entzuleek parte-hartze kuota bat izango dute, euren botoaren bitartez. %1eko eragina izango du epaimahaiaren erabakian.
Sariak
- Gazte Talent & Laboral kutxa sariak: 1000 € kategoria bakoitzeko, eta Gasteizko jaietako programazioaren baitan Falerina lorategian jotzeko aukera, boloa kobratuta (taldeek/bakarlariek hala nahiko balute).
- Accesit-a euskarazko talde edo bakarlaririk onenarentzat: 500 € eta “Gazte plaza” ekimenean kontzertua emateko aukera, boloa kobratuta (taldeak/bakarlariak hala nahiko balu). Nahi izanez gero Araba Euskarazen ere jotzeko aukera izango luke.
- Accesit-a nagusiki emakumez osatutako talde edo emakumezko bakarlaririk onenarentzat: 500 € eta “Gazte plaza” ekimenean kontzertua emateko aukera, boloa kobratuta (taldeak/bakarlariak hala nahiko balu)
- Erresidentzia: sei talde/bakarlari finalisten artean, epaimahaiak bat aukeratuko du Jimmy Jazzen burutuko den erresidentzian parte har dezan. Bertan, hainbat egunez, kontzeptu teknikoak eta produkzio kontuak finkatuko dira.
Ikusi lehiaketaren oinarriak hemen.
Galderarik?
Lehiaketa edo oinarriei buruzko edozein galdera argitzeko jo ezazu gaztetalent@gmail.com posta elektronikora, 689 15 84 10 telefonora edota @sortzen_vg Instagram kontura.
Sorkuntza gaztea
Gazte Talent Sortzen sorkuntza-programaren parte da.