Gizarte-etxe eta kirol instalazioetako jardueretan izena emateko informazioa 2024-2025

Actividades centros cívicos

2024-2025 ikasturtean gizarte-etxeetan eta udalaren kirol-instalazioetan hainbat jarduera eskainiko dira, kirol, gizarte, kultur eta arte arlokoak.

Izena emateko, jarduera batzuetan zozketa egiten da; beste batzuetan, berriz, izena emateko hurrenkeraren arabera betetzen dira plazak.

Kontsultatu jarduerak

Halaber, zertan datzan jarduera bakoitza (pdf) kontsulta dezakezu.

1. Zozketa bidezko jarduerak

Zozketan izena eman dezakezu 2024ko uztailaren 12tik irailaren 4ra:

  • Aurrez aurre gizarte-etxeetan eta kirol instalazioetan.
  • Telefono zenbaki hauetara deituta 010 (edo 945 16 11 00).
  • Eta online bidez izena eman dezakezu, edo izen-ematea aldatu:

Zozketan izena eman

Izena eman aurretik

Komeni da zozketaren oinarriak oinarriak kontsultatzea. Halaber, eskuragarri dago zozketa bidezko jardueren zerrenda pdf. Zozketaren kodeari erreparatu beharko diozu, hau da, jarduera bakoitzak duen zenbakiari.

  • Zozketa: irailaren 5ean egingo da, 11:00etan, eta emaitzak ondoren argitaratuko dira.
  • Plazak formalizatzea eta ordaintzea: irailaren 5etik 11ra. Kontsultatu Ordaintzeko aukerak eta prezio-murrizketak.
  • Bete gabeko plazak: 2024ko irailaren 13tik aurrera kontsultatu ahal izango dira. Jardueraren arabera, bete gabeko plazetan izena emateko epea desberdina da:
    • Kirola eta igeriketa: Irailaren 17an (asteartea), 8:30etik aurrera.
    • Gainerako jarduerak: irailaren 19an (osteguna), 08:30etik aurrera.

2. Zozketarik gabeko jarduerak

Zozketarik gabeko jardueretan, izena emateko hurrenkeraren arabera betetzen dira plazak. Jardueraren arabera, izena emateko data desberdina da:

Eskuragarri dago ere zozketarik gabeko jardueren pdf zerrenda pdf

3. Eta horrez gain

Desgaitasuna

Desgaitasunen bat baduzu, honakoa interesgarria izan daiteke zuretzat:

Udako jarduerak

Gogoan izan 2024ko irailaren 30era arte martxan daudela udako kirol-jarduerak. Izena emateko epea zabalik egongo da plaza guztiak bete arte.

4. Ikasturtean zehar: izen-emateak berritzea eta bete gabeko plazak

Ikasturtean zehar, funtsezko data batzuk daude. Batetik, jarduera batean dagoeneko izena eman baduzu, izen-ematea berritu dezakezu. Bestetik, jarduera batean bete gabeko plazak badaude, izena eman dezakezu.

Data garrantzitsuak:
Hiruhilekoa Izen-ematea berritzea (dagoeneko plaza baduzu) Bete gabeko plazetan izena ematea
1.- Ez da behar Bete gabeko plazak irailaren 13tik aurrera kontsulta daitezke. Izena emateko epea zabaldu egingo da el ir ailaren 17an (kirol-jarduerak) eta eta irailaren 19an (gainerako jarduerak), 08:30ean.
2.- 2024ko azaroaren 25etik abenduaren 1era. Bete gabeko plazak 2024ko abenduaren 3tik aurrera kontsulta daitezke. Izena emateko epea abenduaren 10ean zabalduko da, 08:30ean.
3.- 2025eko martxoaren 3tik 9ra. Bete gabeko plazak 2025eko martxoaren 11tik aurrera kontsulta daitezke. Izena emateko epea martxoaren 13an zabalduko da, 08:30ean.

5. Ikasturteko egutegia

Gizarte-etxeen denboraldia 2024ko urriaren 1ean hasi eta 2025eko ekainaren 22an amaituko da: gizarte-etxeen egutegia 2024-2025 archivo pdf

Data horien barruan betiere, jarduera bakoitzak hasiera- eta amaiera-data desberdinak izan ditzake. Sar zaitez zure jardueran eta kontsultatu informazioa hor bertan (ikus jarduerak).

Informazio gehiago

Arreta emateko telefonoa: 010 (edo 945 16 11 00).

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.