"Libre Izan Nonahi", gazteentzako estrategia indarkeria matxista prebenitzeko

"Libre Izan Nonahi" kanpaina 12 eta 26 urte bitarteko gazteei zuzenduta dago eta indarkeria matxistari eusten dioten balioen eta sinesmenen sisteman eragitea da bere helburu nagusia. Indarkeria matxista prebenitzeko Udal Estrategiaren beste tresna bat da kanpaina hau, eta horren bidez  eskaintzen diren jarduerak bat datoz Hara! Genero-Berdintasunerako Plana  rekin. 

Ekimenak

Kanpainaren ekimenak honako hauek dira:

  1. ”BEGIRA ZER IRITSI ZAIDAN!” sare sozialak eta indarkeria matxistak lantegia
  2. "Libre Izan Nonahi" topaketa
  3. Prebentzio eta sentsibilizaziorako talde ibiltaria
  4. "Libre Hezi Nonahi" lantegiak
1. "Begira zer iritsi zaidan!" sare sozialak eta indarkeria matxistak lantegia

Ba al dakizu zer diren sexting-a eta sexgroaming-a?

Sare sozialak eta beste plataforma digital batzuk gaizki erabiltzeak ziberjazarpen eta indarkeria matxisten kasuak ugaritzea eragiten du, batez ere sexu-indarkeriena. Hau oso maiz gazteen artean gertatzen da eta horrexegatik lantegi honetan adostasunaren garrantzia landuko dugu errespetuzko harreman afektibo sexualak sortzeko orduan. Guztion artean tresna eta teknika berriak bilatuko ditugu gure harremanak eta sexualitatea ziberindarkeriarik gabe eta bete-betean bizi ahal izateko. Izena eman hemen!

2. "Libre Izan Nonahi" Topaketa

Pasa den azaroaren 19an, Goiuri jauregian, Libre Izan Nonahi ¿Y tú cómo te lo montas? Topaketa ospatu genuen Kai Nakai, Annekdotas, Dupla taldea eta Paula Fernández influencerra artista arabarren languntzarekin.

Topaketan “Ligoteo sano”rako lantegian gazteek landutako Ligatzeko Dekalogoa aurkeztu genuen.

“Ligoteo sano”rako lantegi hau ere Libre Izan Nonahi Estrategian kokatzen da. Musika ardatz hartuta, lantegiko parte-hartzaileek gogoeta egin zuten musikak indarkeria matxistaren erreprodukzioan izan dezakeen eraginari buruz eta ligatzeko eta erlazionatzeko moduei buruz, Ligoteo sano eta errezpetuzko Dekalogo hau sortuz.

Topaketan lantegiak, musika-emanaldiak, photocall-a eta indarkeria matxistarik gabeko ligoteo osasuntsu eta errespetuzko baterako dekalogoa aurkeztu genituen.

 https://www.youtube.com/watch?v=-wZHIFQ_7hM(Beste leiho batean irekiko da)

3. Prebentzio eta sentsibilizaziorako talde ibiltaria

Egun zehatz batzuetan, hala nola Halloween, Inauteriak… kale hezkuntzako bikote bat ibiltzen da gazte gehien biltzen den eremuetan, Gasteizko gazteen konplizitatea bilatuz, indarkeria matxisten sentsibilizazioan, identifikazioan eta prebentzioan.

Horretarako, haiekin hitz egin eta elkarreragiten dute, indarkeria matxistak identifikatzen eta prebenitzen lagunduko dieten mezuak azpimarratuz eta indarkeria matxisten aurrean jarrera aktiboa izan dezaten sustatuz.

4. "Libre Hezi Nonahi" lantegiak

Lantegiek indarkeria matxistaren prebentzioa eta sentsibilizazioa lantzen dituzte. Lantegi horien helburua matxismoaren inguruan hausnartzea da, baita ligoteo-modu matxistak ez direnak, askeak, errespetuzkoak, berdintasunezkoak eta askotarikoak identifikatzeko mantentzen dituen harreman-moduei buruz ere. “Vitoria-Gasteiz Hiri Hezitzailea” Programaren parte dira.

  • Hastapen maila: DBHko 4. mailako eta erdi-mailako LHko ikasleei eta irakasleei zuzenduta.
  • Sakontze maila: Batxilergoko edo goi-mailako LHko 1. mailako ikasleei zuzenduta.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.