Oroituz, Gure Iraganaz mintzo

Arabako memoria historikoa (MemoriAraba) lantzeko proiektua honetan memoria historikoaren hausnarketa egin nahi da. Horretarako, argazkigintza, hitzaldiak eta historia uztartuz, Espainiako Gerra Zibilaren lehen egunak ulertu eta aztertu nahi dituen proiektua da, baita gudaren ondorio zuzenak eta, nola ez, guda prozesuaren baitan gizarte zibilak izandako jokaera ezberdinak..

Gaur egungo gazteriari bideratutako proiektu bat da, baina pertsona guztiak daude gonbidatuta. Egungo gazteak gure gizartearen etorkizuna izango direnaren jakitun, belaunaldi berriei begira dagoen proiektua da. Gazteen artean historiarekiko interesa piztea, gure hiri eta herrialdearen iraganaz hausnarketa egitea, eta memoria historikoa bezalako gaietara gerturatzea bilatzen du Oroituz (MemoriAraba).

Egitaraua

Erakusketa elebiduna da. Gainontzeko jarduerak euskaraz izango dira.

Erakusketa: ”VG 1936ko (G)UDA”. Abendu osoan, Aldabe gizarte-etxean.
Hitzaldia: “Artista arabarrak gerraren zurrunbiloan”. Abenduaren 4an (asteazkena), 19:00etan Aldabe gizarte-etxean.
Hitzaldia: “Gudu-zelai ahaztua: 1936ko Arabako Frontearen aztarna arkeologikoa". Abenduaren 11n (asteazkena), 19:00etan Aldabe gizarte-etxean.
Hitzaldia: “Gasteiztarrak nazismoaren kontzentrazio-esparruetan (1940-1945)”. Abenduaren 18an (asteazkena), 19:00etan Aldabe gizarte-etxean.
Bisita gidatuak: "VG 1936 (G) uda". Abenduaren 21ean (larunbata), 11:00etan tren-geltokian hasita. Ibilbidea: Dato kalea, Plaza Berria, Mateo Moraza, San Migel elizako balkoia eta Montehermoso.