Familia giroan - Turismoa Vitoria-Gasteizen

Gasteiz toki ezin hobea da haurrekin bisitatzeko. Interpretazio-zentro interaktiboa daukagu, txikiek zein helduek ahalik eta gehien goza dezaten naturaz. Eta, zuena historia bada, hiria jolasten esploratzeko bisitak dauzkagu haurrentzat.

Proposamenak

Hiria eta Historia ezagutzeko...

Turismo familiar - Catedral Santa María

Naturaz eta kirolaz gozatzeko...

Turismo - naturaleza - familia

Artearengana hurbiltzeko...

Artium

  • Artium arte garaikideko museoak familientzako jarduera ugari eta bisita gidatuak eskaintzen ditu.
  • Arma museoak garai eta munduko kokapen desberdinetako arma bilduma handi bat eskaintzen du.
  • BIBAT museoa: errenazentista eta, aldi berean, eraikin modernoa, museoetan 2x1 egiteko: Arkeologia museoa eta Karten museoa dituzue bertan (munduko karta-bilduma onenetako bat dago bigarrenean).
  • Arabako natura zientzien museoa, Otxanda Andrearen Dorrean. Bilduma botanikoak, paleontologikoak, mineralogikoak eta zoologikoak ditu.
  • Principal antzokiko programazioak beti izaten ditu familia guztiarentzako moduko proposamenak.
Museoetan familia giroan egiteko bisita gidatuak eta jarduerak

Familia giroan egiteko bisita gidatuak

Larunbatetan familia giroan egiteko bisita gidatuak eskaintzen dituzte BIBAT, natura zientza museoak eta arma museoak.

Iraupena: Ordu eta erdi.

Ospa ezazu zure urtebetetzea museoan!

Urtebetetze ospakizun desberdin bat burutzeko aukera ematen dizue BIBAT, natura zientzia museoak eta arma museoak.

Adin tartea: 5 urtetatik 10 urtetara.

Gabonetako programa museoetan.

Gabonetan zehar hainbat jarduera, tailer eta ikuskizun antolatzen dituzte Gasteizeko museoek.

Adin tartea: 5 urtetatik 11 urtetara.

Udako programa museoetan.

Uztailan zehar museoetan txikientzako antolatzen dira jarduera ugari. Hainbat tailer antolatzen dira eta museoak bisitatzen dira.

Adin tartea: 5 urtetatik 11 urtetara.

Informazio gehiago: museoen webgunetan eta honako esteka honetan(Beste leiho batean irekiko da).

Atseden hartzeko...

Paseo de Fray Francisco

  • Pirata Galeoia, Lakua auzoan. 33 metroko luzera duen itsasontzi bat, irudimenari hegan egiten uzteko jostailuz betea.
  • Hiri-parkeak eta -lorategiak, haurrentzako jolas-eremuekin.
  • Terrazen ibilbidea: oinezkoentzako eremuetan edo parkeetan egoten dira, eta, horietan, gurasoek lasai asko har dezakete zerbait, haurrek jolastu bitartean.

Informazio erabilgarria

Badaezpada: Txagorritxuko Ospitalean(Beste leiho batean irekiko da) zentralizatuta daude pediatriako larrialdiak. Tel. 945 00 70 00.

Bideoa: Familia osoarentzako hiria

https://www.youtube.com/watch?v=3HV-LtEvZaM(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.