Tetrapack 21 - Erakusketa kolektiboa

Tetrapack 2021

Tetrapack 2021 edizioaren helburua hauxe da: Gazte Klik Klak 2020 argazki eta bideo lehiaketaren irabazleek egindako lanaren lurraldeko testuinguru artistikora hurbiltzea da.

Erakusketa

Argazkigintzan, bideogintzan eta arte plastikoetan esperientzia handia duten profesionalen prestakuntza eta tutoretza prozesuaren ondoren, Tetrapack 2021 erakusketa kolektiboaren txanda da.

Erakusketak datorren maiatzaren 21ean irekiko ditu ateak, 19: 00etan, Amarica aretoan, eta erakusketa kolektiboa ekainaren 27ra arte (barne) egongo da ikusgai.

Tetrapack 2021. Erakusketaren Kartela. Imagen archivo pdf

Erakusketa kolektiboa Gasteizko Udalaren Gazteria Zerbitzuaren eta Arabako Foru Aldundiko Kultura eta Kirol Sailaren elkarlanearen emaitza da. Horren bidez artista gazteen lana ikusgarri egiteko aukera ematen dute, esparru profesionalean eta, zehazkiago, Gasteizko tokiko sektore artistikoan sartuz. Gure hiriko gazteen sorkuntza artistikoa bultzatu nahian.

Maitane Campos, Asier Corredera, Maria Fariñas eta Liam McDonnellen lanak artista bakoitzaren banakako lanak lotzen dituen hari gidari komun batek lotuko ditu: bulkada.

Erakusketari, bere obrei eta artistei buruzko informazio gehiago nahi izanez gero, kontsultatu Tetrapack 2021 katalogoa Imagen archivo pdf

Parte-hartzaileak

Maitane Campos - Izenbururik gabe -

Maitane Campos Azala pertsona baten hasiera eta amaiera da, garenarekiko lotura.

Hutsetik ezagutzeko bultzada. Norberarekiko maitasuna eta onarpena eguneroko bizikidetzarako modu gisa aztertzea.

Lan honek gure larruazalaren ukimenaren eta mugimenduaren bitartez nor garen aztertzen du. Esperimentazio pertsonalerako espazio bat sortzen du, ikuslea ozeano intimo batean sar dadin.

“Your body is a museum of natural disasters can you grasp how stunning that is.” - Rupi Kau

Asier Corredera - Detrás del salto -

Asier Corredera Jauzia ausardiazko mugimendu gisa ulertzea, zuhurtziagabekeriazko bultzada bati erantzunez gauzatutakoa, alegia.

Ezezaguna den zerbait errezeloz begiratzea, atzean ezkutatzen denari, ikusten ez denari uko eginez; prozesua.

Obra honek aurreko prestaketaren garrantzia eta edertasuna nabarmentzen ditu, azken jauziaren gainean ezarriz.

Jauzia entrenamendu fisikoko eta prestakuntza mentaleko aldi luze baten emaitza dela ulertzea, eta horrek aurrez pentsatutako azken erabakia hartzea dakarrela. Hau da, prozesuaren gailentzea azken objektuaren aurrean.

Ikusgarritasunetik aldentzea, funtsezkoenera hurbiltzeko.

María Fariñas - Izenbururik gabe -

Gizakiak bere konplexutasuna du ezaugarri.

Beste izaki bizidunek lortu ezin dezaketen garun-gaitasuna garatzen du. Gaitasun horrek modu mugagabean eboluzionarazten bagaitu ere, zaurgarri ere bihurtzen gaitu.

Ideien eta pentsamenduen etengabeko joan-etorriak gure aliaturik handiena gure etsairik okerrena bihur dezake.

Nolabait, gure existentziaren xehetasun bakoitza zalantzan jartzen dugu, konplexu eta ziurgabetasun bihurtuz. Zergatik ez hasi beharrezkoak ez diren eta zama bilakatzen diren geruzak kentzen?

“No me siento perdida. Es solo que no sé dónde termina el mar que llevo dentro y a veces me ahogo.” ~ Elvira Sastre

Liam McDonnell - Izenbururik gabe -

Liam McDonell Gizakia norberarenak ez diren emozioak barneratzeko subjektu gisa uler dezakegu?

Beste gizaki batzuekiko emozioak elkarrenganakoak izateko itxaropenik gabe bizi ditzakegu?

Emozioak ikusgarriak bilakatu daitezke forma fisikoa hartzean?

Ukimena beti izan da nire sentimenduak ingurukoei adierazteko moduaren zati garrantzitsu bat.

Deseroso sentitzen naiz norbait nahi gabe ukitzen dudanean. Niretzat, besarkada batek, musu txiki batek edo pertsona bati eskua emateak beti esan nahi du elkarri aitortzen dizkiodan sentimenduak ditudala, elkarrenganakoak direla uste ditudanak.

Aurkeztutako lanak Work In Progress zabalago baten zati dira, negatibo fotografikoaren izaera fisikoaren potentziala eta ikus-entzunezkoaren manipulazioa aztertzeko helburuarekin landutakoak.

Ukiezinetik ikusmenera igarotzeko, kontzeptu gaseosoak likido bilakatu eta, horrela, materialtasuna eman. Ikuslea behatzera eta sentitzera gonbidatu nahi dut epaitu, aztertu edo erantzun bat emateko presiorik gabe.

Hitzaldi eta mintegiak

Tetrapacken egitarauaren baitan, 4 topaketa egin dira martxoan Gasteizko Artium Museoan.

  • Martxoak 7: Arantza Elejabeitia “Bizitzea edozein lekutan etxea egotea da”.
  • Martzoak 14: Tamara García Iglesias “ Falta dena erretratatu”.
  • Martxoak 21: Javier Berasaluce “Gasteizko Udal Artxiboko Argazki Atala: esploratzaileentzako gida”.
  • Martxoak 28: Maria Muriedas “ Luziferretik KAWAIIra”.

Kontaktua eta sareak

Instagram3030 gaztekliklak(Beste leiho batean irekiko da)

facebook Tetrapack2021(Beste leiho batean irekiko da)


gazteklikklak20@gmail.com

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.