Ikerlan Feministen Lehiaketaren 6. edizioa
Eguneratze data: 2025/10/31
Ikerlan Feministen Lehiaketaren helburua da ezagutza eta ikerketa feministak sustatzea, Gasteizko Jabetze Feministarako Eskolaren esparruan, udalerriko ahalduntze feministari bide ematen laguntzeko.
Ikerlan Feministen Lehiaketaren ikerlanen gaia proposatzailearen edo proposatzaileen interesen araberakoa izango da; betiere, ahalduntze feminista eragiten duten esperientziei erreparatzen bazaie edo Gasteizko emakumeen nahiz sexualitate eta genero-adierazpen eta -identitate ez-normatiboak dauzkaten pertsonen eskubideen aldeko gizarte-eraldaketari ekarpena egiten bazaio.
Epaimahaiaren erabakia
María Francisca Mas Riera, eta Joseba Gabilondo Marqués eta Borja Muñoz Arrastia, Ikerlan Feministen 6. Lehiaketan irabazleak dira – 2025/10/31ko albistea
Faseak
Proposamenak aurkeztea
Ikerlanen proposamenak 2025eko irailaren 30era arte aurkeztu ziren, honako helbide honen bidez: berdineskolavg@vitoria-gasteiz.org
Hemen kontsultatu ditzakezu lehiaketa arautzen duten oinarriak: 
Bidelaguntza
Lehiaketa Jabetze Feministarako Eskolaren barruan dago eta ikerketa-lanean aritzeko bidelaguntza eskainiko da, akademiaren edo ikerketaren eremuan lan egiten ez dutenek ere egitasmoan parte hartu ahal izan dezaten. Horiei zuzenduta dago lehiaketa hau.
Ekimen honek 5.000 euro ditu bi proiektu irabazleetako bakoitzerako, eta EHUko Emakumeen eta Gizonen berdintasunaren gaineko Masterra: Berdintasun Agenteak masterra du lagun.
Ekainaren 4a, ikerketen aurkezpena
2026ko ekainaren 4an, 18:30ean, ikasturtean zehar garatu diren ikerketen aurkezpen publikoa egingo da Emakumeen Etxean.
Egindako ikerketak
Lehiaketa irabazi duten ikerlanen proposamenak ikasturte bakoitzeko azarotik maiatzera bitartean egingo dira. Orrialde honetan edizio guztietan egindako ikerketak biltzen dira.
Aurki gaitzazu
www.vitoria-gasteiz.org/eskolafeminista
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.