Enpresentzako laguntzak - Gasteizen lan-kontratazioak egiteko laguntza ekonomikoak

Kontratazioak egiteko laguntzak

Gasteizen kontratazioa sustatzera zuzendutako laguntza ekonomikoak, Lanbide - Euskal Enplegu Zerbitzuan enplegu-eskatzaile gisa izena emanda dauden langabeentzat eta bereziki, lan-merkatuan sartzeko zailtasun bereziak dituzten pertsonak kontratatzeko.

Guztira: 2.678.663,00 euro, kontratazio mugagabea sustatzeko.

Gehienez 8.000 euroko laguntza Gasteizen erroldatuta, lanik gabe eta Lanbide - Euskal Enplegu Zerbitzuan lan-eskatzaile gisa izena emanda dauden pertsonei kontratu mugagabeak egiteagatik.

  • Kontratuen gutxieneko lanaldia %50ekoa izango da. Laguntza lanaldiaren araberakoa izango da.
  • Dirulaguntza 10.000 eurokoa izan daiteke, baldin eta kontratatutakoak 35 urtetik beherakoak, 45 urtetik gorakoak, edo Diru-sarrerak Bermatzeko Errentaren edo Bizitzeko Gutxieneko Diru-sarreraren hartzaileak badira.
  • Dirulaguntza 13.000 eurokoa izan daiteke, 55 urtetik gorako pertsona kontratatu ezkero.
  • Dirulaguntzen zenbatekoa %10 igoko da kontratatutakoak emakumezkoak direnean.
  • Dirulaguntzen zenbatekoa %15 igoko da kontratatutakoak iraupen luzeko langabeak direnean.
  • Laguntza ordainketa bakarrean ordainduko da, kontratazioa behar bezala egin dela eta dirulaguntza emateko eskatzen diren baldintzak betetzen direla egiaztatu ondoren.
  • Diruz lagundu daitekeen aldia amaitu ondoren (kontratu mugagabea egin eta 12 hilabetera), enpresak justifikatu beharko du langileak kontratatuta jarraitu duela eta aitortutako soldata-kostuak langileari ordaindu zaizkiola. Hala ez bada, jasotako zenbatekoa itzuli beharko du, oinarrietan agertzen den moduan.
  • 2026ko urtarrilaren 1etik 2026ko abenduaren 31era bitartean (biak barne) egindako kontratazio mugagabeak lagunduko dira diruz.

Eskabideak aurkezteko epea: deialdi honek eskabideak egiteko bi epe izango ditu:

  • Lehenengo epea 2026ko abuztuaren 18tik 2026ko urriaren 15era arte, egun hori barne.
  • Bigarren epea 2026ko urriaren 16tik 2027ko otsailaren 15era arte, egun hori barne.

Tramitea

Harremanetarako

ayudascontratacion@vitoria-gasteiz.org | Telefonoa 945 16 16 16, 4298 eta 4390 luzapenetan.

Deialdi hauei buruz informazioa garaiz jaso nahi baduzu, eman izena Ekonomia Sustapen, Enplegu, Merkataritza eta Turismoaren Saileko buletin elektronikoan.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.