Vitoria-Gasteizko Udala

BIZANeko ikastaroak eta lantegiak udan

Mota askotako lantegiak daude: aktibo mantendu nahi dutenentzat, trebetasun berriak landu nahi dituztenentzat, kultura gustuko dutenentzat eta aukera berriak ezagutu nahi dituztenentzat. Anima zaitez eta bila ezazu zure beharrizanei ondoen egokitzen zaizkien jarduera, lekua eta unea.

2023ko izena emateak

Maiatzaren 19tik (08:30etik aurrera) ekainaren 2ra. Plaza libreetan izena emateko epea ekainaren 6an hasiko da.

• Online izen ematea
• Aurrez aurre: BIZAN sarean, herritarrei laguntzeko bulegoetan eta kiroldegietan.
• Telefonoz: 010 - 945 16 11 00.

Ikastaroak eta izena emateko kodea

Uda honetako programazioari buruzko informazioa biltzen duen liburuxkan (pdf) jardueren kodearen berri ematen da. Kode hori lantegiaren izenaren ondoan agertzen da, lehenengo zutabean, eta izena emateko unean adierazi behar da. Begiratu irudiari.

Datu interesgarriak

• Lantegi batzuetan izena emateko BIZAN txartela behar da.
• Herritar guztiei irekitako lantegiak ere badaude, eta haietan parte hartzeko ez da txartela behar.
• Izen-emate hurrenkerari jarraituko zaio lekuak betetzeko.
• Langabezian egoteagatik % 15eko murrizketa izateko, LANBIDEren "izen-emate aldien egiaztagiria" aurkeztu behar da (ikastaroa hasi aurreko 7 egunetan egina izan behar du)
• Norbaitek jarduera egiterik ez badu, jarduera hasi baino lehen jakinarazi behar du; hala egin ezean, ordaindutako kuota galduko du.
• Dirua itzuli behar izanez gero, ordaindutakoaren % 15a atxikiko zaio eta gainerako % 85a bankuko kontuan sartuko.
• Lantegi asko aire zabalean egingo dira, baina horietako asko barruan egin ahalko dira euria eginez gero, eta edukiera kontuan hartuta ahal izanez gero.
• Eguraldi txarra ez da ikastaroaren zenbatekoa itzultzeko arrazoi izango.
• Prezioak ez du material suntsikorra barne hartzen.

Zure iritziak axola digu