Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Haziak, Ideia Gazteen Lehiaketa
Haziak 14 eta 30 urte bitarteko pertsonentzako ideia gazteen lehiaketa da, eta hautatutako proiektuak laguntza teknikoarekin eta 3.000 euro arteko laguntza ekonomikoekin saritzen ditu.
2023ko edizioak dagoeneko jakinarazi ditu proiektu irabazleak, aurkeztutako 21 ideien artean. Datozen hilabeteetan, gazte irabazleek haiek gauzatzeko aukera izango dute.
A kategoria: 14-18 urte
Un sacrificio, Iker Aguirre Vea-Murguia: fikziozko film labur bat garatzeko proiektua. Bi pertsonaia, espazio bakarra, eszena bakarra... eta ezusteko amaiera.
B kategoria: 19-30 urte
Plater Irekiak, Zuretzako mezua kolektiboa: binilo kultura gazteen artean zabaldu nahi dute, Gasteizko kaleetan hainbat musika-estilotako saioak antolatuz.
Proyecto Silla, Silla kolektiboa. Sormenaren inguruan ideiak, esperientziak, ezagutzak eta kezkak trukatzeko guneak sortu nahi ditu gazte sortzaileen kolektibo honek.
New Wave Art, New Wave Art kolektiboa. Arte garaikidea musika elektronikoarekin eta performancearekin nahasten duen ekitaldia.
Gasteiz 2023-Margotzeko liburua, Esti Aguirre López de Munain. Gasteizko hainbat lekutako 70 marrazkirekin margotzeko liburu bat sortuko du Estik.
Entre el azul y el verde, Jesús Ramírez eta Catherine Sáenz. Lantegi honek aire zabaleko sormen-espazio bat eraikitzea proposatzen du, Gasteizko eraztun berdeko parke bat erabiliz. Bertan, testua eta irudia izango dira adierazpen artistikorako eta komunikaziorako bideak.
Vitakora, Tamara Moreno García. Zinemaren azken joerez gozatzeko gogoa duten gazteei zuzendutako ekitaldia da. Zinemagile gazteek egindako zinema ikusi ahalko dute, eta Euskadin musika-joera berriez gozatzeko aukera izango dute.
Cromosensoría, Noelia Gómez Moreno. Sinestesiatik sortuta, hainbat teknika artistikoren bidez (idazketa, pintura, argazkigintza eta beste batzuk) elkar konektatutako obren sare bat eraikiko du, eta haren oinarri nagusia adierazpen kromatikoa izango da, aurretik kolore bakoitzari eman dion esanahi emozionalaren bidez.
MAIDRE Ahots hutsean, Maider Lasa. 12 abestiko diska bat grabatuko du. Diskan ez da musika-tresnarik egongo; aitzitik, ahotsarekin bakarrikgrabatuko dira abestiak. Hortik datorkio izenburua proiektuari.
Afrikar literaturaren lantegiak, Nuria Pérez-Cárcamo eta Cheikh Tourad Sambou . Proiektuak errealitatearen askotariko begiradak transmititzeko espazio bat sortu nahi du Senegalgo literaturaren bidez, Birago Diop-en “Amadouren ipuinak” liburuan jasotako ipuinetatik abiatuta.
Zorionak eta eskerrik asko parte hartzera animatu zareten guztio
Hurrengo deialdia
Hurrengo deialdia 2024an izango da. Zertan datzan jakin nahi baduzu, 2023ko deialdiaren oinarriak kontsulta ditzakezu (amaituta dago).
Urtean zehar
2023ko deialdia amaitu bada ere, urtean zehar Haziak bulegoak irekita jarraitzen du. Beraz, egin nahiko zenukeen ideiaren bat baduzu, galde iezaguzu!
Kontaktua eta sare sozialak
945 16 16 16 (6512 luzapena).
