#noseasmeme #ezizanmeme #dudewithsign
Ausazko jokoen eta kirol-apustuen aurkako kanpaina abian da, gure hiriko 14 eta 25 urte bitarteko gazteak adierazpen artistikoaren bidez sentsibilizatzeko eta kontzientziatzeko.
Kanpaina garatzeko, Gasteizko neska eta mutil nerabe eta gazteen talde batek parte hartu du. Gazte horiek sorkuntza-pieza bat egin dute gizartean eragina izateko, elementu artistikoen bidez (antzerkia, musika eta dantza, ikus-entzunezkoak...), eta, kaleko emanaldien eta sare sozialen bidez, ausazko jokoetan eta kirol-apustuetan adikzio-jokabideek eragin ditzaketen arriskuei buruz kontzientziatzen ari dira, baita gazteen sormena sustatzen ere, aisialdi osasungarriko beste aukera batzuen bidez.
Beraz, gazteek gazteentzat egindako kanpaina bat da. Kanpaina horren bidez, gazteei adierazi nahi zaie badaudela prebentziorako tresnak, eta guztiek egin dezaketela beren ekarpen txikia berdinen artean laguntzeko.
Eszenaratzea abenduaren 15ean izan zen, Arkupeen sarrerako faroloian. Zehazki, hiru emanaldi izan ziren. Horietan, interprete gazteen taldeak emanaldia eskaini zien herritarrei, antzerkiaren, musikaren eta dantzaren bidez kanpainaren gaia lantzeko.
Apustuen kontrako kanpainen bideo gehiago(Beste leiho batean irekiko da) dituzu ikusgai (Youtube).
Kaleko emanaldiez gain, sare sozialen bidez ere garatuko da kanpaina, "Ez izan meme" lelopean. #ezizanmeme #noseasmeme #dudewithsign
Gasteizko Udaleko Osasun Publikoko Zerbitzuak sustatu du kanpaina, beste udal-zerbitzu batzuekin lankidetzan, hala nola Gazteria Zerbitzua+k, Haurtzaroa eta Familia Zerbitzuak, Gizarte Etxeek eta abar.
Ezagutu aurreko urteetan egindako kanpainak. Horietan, txostenak eta planak bezalako baliabide erabilgarriak ere aurkituko dituzu.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
