Gasteizko Nazioarteko Antzerki Jaialdia

FIT 2023

Nazioarteko Antzerki 48. Jaialdiko Aldizkaria pdf

48. edizioa – 2023

Antzerkiko Nazioarteko Jaialdiaren 48. edizioak “Ikuslea Ikusgai” leloa berreskuratuko du.

2023 urte honetan prestatutako eskaintzak urrian eta azaroan ikusgai izango diren 31 ikuskizun biltzen ditu. Horietan, istorio unibertsalak, gaur egungoen oso antzekoak eta pertsonak protagonistatzat dituztenak kontatuko dituzte. Haietako 10 Euskadiko konpainienak izango dira, 4 euskarazkoak, eta 15 lehen aldiz Euskadin ikusgai izango dira jaialdi honi esker. Urtero bezala, hitzorduak entzute handiko antzezleak bilduko ditu: Vicky Luengo, Ana Belén, Pepe Viyuela, Nuria Espert, Pepón Nieto…

https://www.youtube.com/watch?v=dMqnN2NlqmU(Beste leiho batean irekiko da)

Eskaintzak, gainera, jaialdiaren nortasun-ezaugarriei eutsi die:

  • Nazioarteko antzerki-lanei. Hala, 11 ikuskizun programatu dira nazioarteko antzerkigintzako zuzendari nagusien eskutik: Declan Donellan, Gabriel Calderón, Mario Pensotti, Cristina Morganti, Martha Graham Dance Company…
  • Estatuko aparteko ekoizpen-lanak: sorkuntza-zentro esanguratsuak iritsiko dira Gasteizera: Antzerki Klasikoko Konpainia Nazionala, Zentro Dramatiko Nazionala, Meridako Jaialdia eta dramaturgo entzutetsuak (Peris Mencheta, Andrés Lima Iñaki Rikarte, Mario Gas, Pablo Messiez eta Natalia Menéndez).
  • Tokiko sorkuntza eszenikoaren aldeko apustu irmoa: Euskadiko konpainia eta artista garrantzitsuen azken estreinaldiak ezagutzeko aukera egongo da: Vaiven Teatro; Hika Teatro, ‘Bidaia’ diziplina anitzeko lana estreinatuko duena, El Mono Habitado, Teatro Paraíso, Proyecto Larrua eta Arabako sorkuntza berriarekin beste hitzordu bat Off Lokal.
  • Antzerkia ohikoez bestelako espazioetan egitasmoari esker. Aurten, gainera, proposamen berritzaileak eta apurtzaileak eskainiko ditu artista hauen eskutik; Marina Otero, Gabriel Calderón, L'Alakran, Cristiana Morganti edo Carlos Muñónen konpainiak Felix Petite Antzokian eskainiko duen proposamena.
  • Familientzako eta haurrentzako programazioa: era askotako diziplina artistikoetako 8 proposamen izango dira (zirkua, dantza eta antzerkia). Gainera, Haurtxoak Proiektuaren beste edizio bat ere iritsiko da.
  • Antzerkia zabaltzen: jaialdiaren atal honek eztabaidarako, prestakuntzarako eta sorkuntzarako guneak eskaintzen ditu. Aurtengo edizioan, talde artistikoekin egingo diren topaketak eta tokiko artistei zuzendutako [MASA] tailerra izango dira. Bertan, artista horiek jardunbide inspiratzaileak artista ospetsuekin partekatzeko aukera izango dute.
  • Irisgarritasuna: gorrentzako eta ikusmen baxuko pertsonentzako emanaldi irisgarriak izango dira. Izan ere, jaialdi honen helburua da kultura denen eskura jartzea.

Datozen ikuskizunak

Jaialdia: lau hamarkada baino gehiago

Jaialdia kultura ekitaldi garrantzitsuenetako bat da gasteiztarrentzat. Jaialdiak dagoeneko lau hamarkada baino gehiago daramatza estatuko zein nazioarteko antzerkiaren ikuspegi zabala eskaintzen, genero guztiak kontuan hartuz, antzerki klasikotik hasita abangoardisteneraino.

Jarraikitasunak, epe luzerako proiektu baten aldeko apustuak eta sorreran zuen espirituari eutsi izanak ahalbidetu dute jaialdia 50. urteurrenaren bidetik abiatzea.

Urte hauetan, jaialdiak hainbat belaunalditako milaka pertsonari ireki dizkie ateak; ikusle fidel, zorrotz eta aditu horiek orain hiriko antzokiak betetzen dituzte.

Proiektu bizi-bizia

Urte osoan programazio egonkorra izanik, zalantza sor daiteke jaialdiaren formatuaren zentzuaz.

Hain zuzen ere, formatu horrek ahalbidetzen du gainerako programaziotik bereiztea, lan abangoardista eta esperimentalenak programatuz, arriskuak hartuz eta proposamen ezberdinak eskainiz publiko geldiezin eta konprometituenari.

Era berean, oso une aproposa da ikusleekiko eta tokiko konpainiekiko topaketak sustatzeko.

Jaialdia berez definizio bila dabilen kultura proiektua da, une bakoitzeko zirkunstantziei egokitzen baitzaie.

https://www.youtube.com/watch?v=P_cvGE__qFw(Beste leiho batean irekiko da)

Jaialdia gaur egun

Udal Antzoki Sareak antolatzen du Nazioarteko Antzerki Jaialdia. Helburu hauek ditu:

  1. Nazioartean gaur egun egiten den antzerki onenaren erakusleihoa izatea.
  2. Arte hizkuntza ororen aldeko apustua egitea, abangoardistenetatik hasita betiko klasikoetara.
  3. Nabarmentzen ari diren egileei atzera begirakoak eskaintzea.
  4. Tokiko konpainiak sustatzearen alde egitea.
  5. Antzezpenarekin zerikusia duten gaiei buruz eztabaidatu eta hausnartzeko guneak sustatzea.
  6. Antzerki esperimentaziorako espazioa bihurtzea.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.