Udaleko Hezkuntza Jarduerak 2021-2022

Udaleko Hezkuntza Jarduerak

VITORIA-GASTEIZ HIRI HEZITZAILEA proiektuan, udalak bere egiten dituen konpromiso hauek gauzatzen dira: gure hirian hezkuntzaren erronka handiak kolektiboki planteatzeko gai izango den ingurune bat eraikitzea eta desberdintasunetan nahita eragitea gizarte-kohesioa areagotzeko, pertsonen eta hiriko auzoen arteko berdintasuna bultzatuz.

Izena emateko epea

Izena emateko epe orokorra: irailaren 14tik 20era.

Gizarte-kohesioa eta hezkuntza-ekitatea hobetzeko erronkei erantzuteko, eta arreta eta laguntza behar gehien duten ikastetxeek udal baliabideak eskura ditzaten errazteko, lehentasunezko epe bat ezarri da irailaren 9tik aurrera. Izen-emate epea ireki aurretik ikastetxeei zein lehentasun maila duten jakinaraziko zaie.

Ikastetxeetatik ez datozen taldeek irailaren 21etik 24ra eman ahalko dute izena.

Jarduera bakoitzean izena emateko epea zein den begiratzea komeni da. Batzuek epe propioa dute eta beste batzuek toki guztiak bete arte luza dezakete.

Izena emateko jarduera bakoitzaren fitxara jo behar da:

2021-2022ko Informazio liburuxka (pdf)

Hiri Hezitzailearekin Konpromisoa

Ikastetxeak lankidetzan arituko dira proiektuari buruzko informazioa zabalduz. Honen helburua bikoitza da: ikasleei, familiei eta, orokorrean, eskola-komunitateari Vitoria-Gasteiz Hiri Hezitzailea proiektua ikusaraztea eta ikastetxeak hiri-proiektu komun baten partaide gisa identifikatzea.

Familiei zuzendutako komunikazioetan, Urteko Planean eta Memorian, ikastetxearen web eta sare sozialetan… hurrengoa agertuko da:

"Gure ikastetxea Gasteiz Hiri Hezitzailea proiektuaren parte da, udaleko hezkuntza-jardueretan parte hartuz, eta bat dator hiriak hezkuntza-ekintzaren bidez gizarte-kohesioan eta ekitatean aurrera egiteko duen konpromisoarekin".

"Nuestro centro educativo  forma parte del proyecto Vitoria-Gasteiz Ciudad Educadora a través de la participación en las actividades educativas municipales y comparte el compromiso de ciudad para avanzar en cohesión social y equidad a través de la acción educativa".

Testuari Gasteiz hiri hezitzailea proiektuaren irudi grafikoa erantsi ahal izango zaio, zure eskura jartzen ditugun logoetako bat erabiliz:

Vitoria-Gasteiz Hiri Hezitzailearen logotipoak hainbat formatutan (zip)

Proposamen honen helburua da Vitoria-Gasteiz Hiri Hezitzailearen hezkuntza-balioak sustatzea.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.