Irisgarritasun-deklarazioa - Gasteizko Udala

Bere webgunea irisgarri egiteko konpromisoa hartua du Gasteizko Udalak, Sektore publikoko webguneen eta gailu mugikorretarako aplikazioen irisgarritasunari buruzko irailaren 7ko 1112/2018 Errege Dekretuarekin bat etorriz.

https://www.vitoria-gasteiz.org webguneari aplikatzen zaio irisgarritasun-deklarazioa, Geo Vitoria-Gasteiz salbu.

Betetze-maila

Partez baino ez dator bat webgunea 1112/2018 Errege Dekretuarekin, adierazten diren salbuespenak eta bat ez datozen alderdiak direla eta.

Irisgarri ez dagoen edukia

Alde batera geratzen da Geo Vitoria-Gasteiz, baita beste webgune batzuen baliabideak —sare sozialak, mapak eta abar— erabiltzen dituzten orriak ere.

Irisgarritasun-deklarazio honen prestakuntza

2018ko abenduan prestatu zen deklarazio hau.

Udalak berak egindako ebaluazioa izan da deklarazioa prestatzeko baliatu den modua.

Deklarazioaren azken berrikuspena: 2022ko urriaren 28an.

Komunikazioa eta harremanetarako datuak

1112/2018 Errege Dekretuko irisgarritasun-betekizunei buruzko komunikazioak egin ditzakezu —10.2.a) artikulua—, hala nola:

webgune honetan egokitu litekeen edozein ez-betetzeren inguruan informatu,
Edukia eskuratzeko beste zailtasun batzuk transmititzea,
beste edozein kontsulta edo hobekuntza-iradokizun egin, webgunearen irisgarritasunaren inguruan.

Horretarako eta ez bestetarako moldatutako harremanetarako formulario honen bitartez egin dezakezu, edo 945 16 16 16 telefonora deituz nahiz Gasteizko Udalak herritarrei arreta emateko dituen bideak baliatuz.

Irisgarritasunaren Ardura duen Unitateak jaso eta tratatuko ditu komunikazioak.

Erreklamazio-prozedura

Informazio irisgarriaren inguruko eskaera edo kexa bat aurkeztu eta ezetsi egin bada, interesdunak erreklamazio bat jarri ahal izango du, betiere erabakiarekin ados ez badago edo erantzunak 12.5 artikuluan jasotako baldintzak betetzen ez baditu. Hogei egun balioduneko epean erantzunik jaso ez bada ere jar daiteke erreklamazioa.

Erreklamazioa egoitza elektronikoan eskuragarri dagoen inprimakiaren bidez jar daiteke, bai eta Administrazio Publikoen Administrazio Prozedura Erkideari buruzko 2015eko urriaren 1eko 39/2015 Legean jasotako gainerako aukeren bidez ere.

Erreklamazioak Vitoria-Gasteizko Udaleko Irisgarritasunaren Ardura duen Unitateak jaso eta tratatuko ditu, edo, erreklamazioa unitate horren jarduketa batengatik bada, unitate horren goragoko organoak.

Aukerako edukia

Web Edukiaren Irisgarritasun Jarraibideen (WCAG) 2.0 bertsioan oinarritutako UNE 139803:2012 arauko 1. eta 2. lehentasun-betekizunak kontuan izanik baliozkotzen da Udalaren webgunearen irisgarritasuna.

Orrien iturburu-kodeak XTML 5.2 estandarra betetzen du, eta CSS3 erabiliz maketatzen da.

Eskuragarri dauden laguntza teknikoak

Web-diseinu moldagarria. Edozein gailutan —pantailaren tamaina eta bereizmena gorabehera— ondo ikusi ahal izateko moduan diseinu da webgunea.
Hizkuntza. Hizkuntza edozein unetan alda daiteke; informazioa aukeratutako hizkuntzan agertuko da, baldin eta eskuragarri badago.
Erabiltzailearen hobespenak. Webguneak cookie-ak baliatzen ditu, hizkuntza gorde eta, orria berriro bisitatzen delarik, zuzenean bistaratzeko. Cookie-ak erabiltzailearen hobespenak gordetzeko baino ez dira erabiltzen, eta ez dira inola ere informazio pertsonalarekin lotzen. Orria bisitatzen duzun lehenengo aldia bada, nabigatzaileak aurretik definituta duen hizkuntzan agertuko zaizu.
Ahots-funtzioa. Irakurketa- edo ikaskuntza-desgaitasunen bat edo desgaitasun kognitibo edo mentalen bat dutenentzat web-orrien irisgarritasuna hobetzeko beste hainbat neurriren osagarri da ahots-funtzioa.
InSuit. Webgunearen irisgarritasuna eta erabilgarritasuna modu automatikoan hobetzen dituen zerbitzu bat da, hura inklusiboago egiten duena. Webguneen irisgarritasuna hobetzeko tresna bat da "inSuit"; ez dago software osagarririk instalatu beharrik, eta udal informazioa eskuratzeko modua errazten die irakurketa- edo ikaskuntza-desgaitasunen bat edo desgaitasun kognitibo edo mentalen bat dutenei. Nabigatzeko hainbat aukera eskaintzen ditu, teklatuaren bitartez, ahots-agindu edo soinuen bitartez, botoien bitartez edo ikusmen urria dutenentzat egokitutako moduan; kanpoko laguntza jasotzeko optimizatua dago, eta edukiaren irakurketa entzuteko aukera ematen du. Aktibatzeko, aski da Udalaren webgunearen goiko aldean, eskuinean, ageri den "Modu erabilerraza" ikonoan klik egitea. Konfiguratu ondoren —laburzki eta errazki, eta lehenengo aldian bakarrik—, abian jartzen da tresna.