CIVITAS ekimena

CIVITAS ekimena Europar Batasunak sortu du hirietan garraio iraunkorra eta integratua lortzeko estrategia berriak sustatu eta ebaluatzeko. Ekimen honek herritar europarren ongizatea nabarmen hobetzen lagunduko duela espero da.

CIVITAS ekimena 2002. urtean hasi bazen ere, Vitoria-Gasteiz 2008an sartu zen proiektuan, CIVITAS PLUS deituriko fasean, Europako beste 24 hirirekin batera. Vitoria-Gasteiz CIVITAS-MODERN (MObility, Development and Energy use ReductioN) proiektuan dago sartuta, Craiova, Brescia eta Coimbra hiriekin batera. Gure hiriari dagokionez, hurrengo erakundeak daude inplikatuta: Udalaren Ingurumen eta Iraunkortasun Saila, Ingurugiro Gaietarako Ikastegia eta TUVISA Vitoria-Gasteizko Udalaren partetik, eta Energiaren Euskal Erakundea eta RACVN.

Proiektu honi esker, gure hirian mugikortasunari lotutako hainbat neurrirentzako laguntza lortu da. Hain zuzen, 10 dira CIVITAS barruan sustatuko diren neurriak:

1. Erregai alternatiboen erabileraren sustapena
2. Superetxadien ereduaren ebaluazioa
3. Oinezkoentzako eta txirrindularientzako sareen sorrera
4. Autobus garbi eta eraginkorren erabilera
5. Garraio publikoko sare berriaren abioa
6. Superetxadietara sartzeko mugen azterketa
7. Semaforoen erregulazio berria
8. Superetxadietako zamalanen erregulazio berria
9. Zirkulazioa kudeatzeko sistema baten sorrera
10. Gidaritza eraginkorreko ikastaroak