VG Hobetuz - Faseak eta aurrekontua

Vitoria-Gasteiz Hobetuz (VGH) programaren bitartez gure hiria hobetzea eta zu zeu erabakien protagonista izatea nahi dugu. Hauek dira programaren faseak, bosgarren edizio honetan 2025 eta 2027 urteen bitartean egingo direnak:

Faseak

1. Aurkezpena

• Proposamenak aurkezteko fasea. 2025eko urriaren 15etik azaroaren 16ra bitartean, pertsona edo talde orok euren proposamena aurkezteko epea dute.
• Aurkeztutako zerrenda guztien argitarapena (2025eko azaroaren 19an). Modu honetan, ideiaren bat aurkeztu duten personek egiaztatu ahalko dute euren proposamena ondo jaso den.

2. Balorazioa

• Udal-teknikariek proposamenak banan-banan aztertuko dituzte, irizpide teknikoen arabera proposamena bideragarria den edo ez baloratzeko.
• Aurkezpen publikoa: bideragarriak diren, eta ez diren, proposamenak webgunearen bidez aurkezten dira (2026ko otsaila).

3. Bozkaketa

Bozkaketa fasea: 2026ko martxoaren 2tik 22ra bitartean Gasteizen erroldatutako lagun orok bozkatzen du onartutako proiektuen artean gehien atsegin dituen hirurak.

• Proiektu bakoitzak lortutako botoen zenbaketa eta puntuen kalkulua egiten da:
  • Proiektu batzuetan, boto 1 = puntu 1.
  • Beste batzuetan proiektuak haztuta daude, baloreak sustatzen dituzten proiektuek Udalarentzat lehentasuna dutelako, hala nola: belaunaldien arteko bizikidetza, genero-berdintasuna, aniztasun kulturala eta/edo funtzionala, bazterturiko gizataldeak gizarteratzea, jasangarritasuna eta ingurumena babestea, eten digitalaren murrizketa, hiri-eremuko proposamenak edota berritasuna. Haztapena bakarra da (0,10 puntu) ekimenak sustatzen duen printzipio kopura edozein dela eta. Hortaz, haztapena jaso duten proposamenetan, boto 1 = 1,1 puntu.

4. Argitalpena

• Proiektuen zerrenda ordenatzen da puntuazioaren arabera (2026ko martxoa) eta programaren aurrekontua kontutan izanda horietako zenbat egin daitezkeen kalkultzen da.

5. Gauzatzea

• Udaleko teknikariek proiektuaren behin-betiko diseinua egingo dute proposamenak aurkeztu dituzten pertsonekin batera, ondoren gauzatzeko.
• Behin proiektua bukatuta, Vitoria-Gasteiz Hobetuz logotipoa jarriko da herritarrek aurkeztutako eta bozkatutako proiektua dela ikustarazteko.
• 2026. urtean aukeratutako proposamenak 2026 eta 2027. urteetan abian jarriko dira.

VG Hobetuz ekimenaren proiektuen jarraipena

Aurrekontua

• 2026-2027 edizioaren bi urteetarako 3 milioi euro bideratuko dira.
• Diru horretatik, 200.000 € erreserbatuko dira Hobetuz Txiki-rako, haurrek Aktiba(tu) programaren bidez sustatutako proposamenak, eta beste 200.000€ko erreserba Hobetuz Gazte-rako, gazteek sustatutako proposamenak..
• Udalak boto gehien jaso dituzten ekimenak gauzatzeko konpromiso politikoa hartu du, aurrekontua agortu arte.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.