Zaramagako etxebizitzak birgaitzea da Zaramaga Biziberritzeko Planaren zutabeetako bat. 21 Zabalgunea udal hirigintza-sozietateak kudeatzen du.
Eraikinak eko-birgaitzen ditu planak, etxebizitzen energia-eraginkortasuna, irisgarritasuna eta bizigarritasuna hobetzeko. Gaur egun, 24 atarietan egiten ari dira lanak, eta guztira 358 etxebizitza daude aurreikusita planean.
Planaren jardun-eremuaren barruan kokatutako auzokide-komunitateei:
Etxebizitzak eko-birgaitzeko laguntzak eskaintzen ditu planak, obren kostuen %70 estaltzen dutenak, kalteberatasun-egoeran dauden auzotarren erkidegoei lehentasuna emanez.
Era berean, plan honetako obrek %50 gutxiago ordaintzen dute Eraikuntza, Instalazio eta Obren gaineko Zergan (EIOZ).
Zaramagako bizilagunek hurbileko bulego bat dute dirulaguntza ekonomikoak eta birgaitzeko beste kudeaketa batzuk izapidetzen laguntzeko. Bulegoa Iparralde Gizarte Etxean dago (1. eta 2. eraikinen artean).
Zaramagako bulegoa
2024ko irailaren 17an, jabe-komunitateen obrak hasteko lehen akta sinatu zen, eta proiektuko higiezinak birgaitzeari eman zitzaion hasiera.
Proiektuaren esparruko eraikinak sakonki birgaitzeko aukera emango duten obrak kontratatzeko Baldintza Orria argitaratu zen. Batzorde Kudeatzaileek enpresa eskaintzaileak aukeratu zituzten, auzotar komunitateek obra-kontratua sinatzea erabaki zezaten.
Hilaren 8an, 12 talde tekniko eratu ziren. Talde horiek proiektuak idatzi zituzten, eta bizitegi-eraikinetako 24 komunitate (358 etxebizitza) birgaitzeko obren zuzendaritza fakultatiboa egin. Hilaren 31n, bi saio egin zituzten kalean, Zaramagako eraikin-multzoen azterketa zabaltzeko.
Uztailean, Eusko Jaurlaritzak, 21 Zabalguneak eta jabekideen komunitateek osatutako batzorde kudeatzaileek Zaramaga auzoko eraikinak sakon birgaitzeko ekipo teknikoak kontratatzeko baldintza-orria baliozkotu zuten, Zaramaga proiektuaren oinarrietan ezartzen den bezala (ALHAO 70 zk., 2023ko ekainaren 16koa(Beste leiho batean irekiko da)). 18 talde teknikok irailean aurkeztu zituzten Zaramagako eraikinak sakon birgaitzeko proposamenak.
2023ko ekainaren 16an argitaratu zen Zaramagako birgaitze-proiektuan sartutako bizitegi-eraikinen birgaitze sakonerako laguntzak emateko deialdia (ALHAO 70. zk., 2023/06/16koa(Beste leiho batean irekiko da)). Ekainaren 30ean amaitu zen birgaitze sakonaren proiektuan interesa zuten Zaramagako jabe-komunitateen atxikimendu-epea. 41 komunitate atxiki ziren (708 etxebizitza). Azaroaren 30ean amaitu zen atxikitako komunitateek birgaitze-lan sakonak egiteko laguntza-eskaerak aurkezteko epea.
Zaramagako Bulegoak bere taldea indartu du bi arkitekto eta abokatu bat gehituta, eta informazio-diptikoak banatu zituen Zaramagako proiektuaren eremuko komunitateetan.
2023ko apirilaren 23an eta 24an, bi informazio-jardunaldi egin ziren Zaramagako Gizarte Etxeko Beñat Etxepare antzokian, auzo horretako bizilagunek birgaitze-lanen finantziazioari buruz dituzten zalantzak argitzeko.
2023ko martxoaren 27an, Zaramagako biziberritze integraleko proiektuaren hurbileko bulegoak ateak ireki zituen.
Plana aurkezteko hiru jardunaldi egin ziren Iparralde Gizarte Etxean. Lehena, azaroaren 2an, Auzogunera zuzendua. Bigarrena eta hirugarrena, azaroaren 24an eta 25ean, Zaramaga auzoko bizilagun guztiei irekia.
Planak beste neurri batzuk ere jasotzen ditu, hala nola espazio publikoko obrak eta gizarte-proiektuak. Kontsultatu Zaramaga Biziberritzeko Planari buruzko informazio guztia.
21 Zabalguneko beste proiektu batzuk ere kontsulta ditzakezu.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
