Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Eta uda honetan, zer?: Boluntariotza
Boluntariotza eginez parte har dezakezun erakunde eta proiektuei buruzko informazioa ematen dizugu. Bai ordu batzuk emateko, bai lankidetza eginez bidaiatzeko.
Hainbat arlo daude laguntza emateko: haurtzaroa, ingurumena, desgaitasuna duten pertsonak, etab. Ziur baten bat interesatzen zaizula!
Boluntarioak bilatzeko bulegora iristen zaizkigun eskaintzak ere biltzen ditugu.
18 urtetik beherakoa bazara eta boluntariotza egin nahi baduzu, ez dago arazorik, baina zure aitaren/amaren edo legezko tutorearen baimena beharko duzu.
Tokiko boluntariotza | Tokiko boluntariotza egiteko eskaintzak
Nazioarteko boluntariotza | Azolandegiak
Tokiko boluntariotza
Kontsultatu parte har dezakezun erakunde eta proiektuei buruzko hurrengo baliabideak. Kontuan izan kasu batzuetan erakundea tokikoa dela, baina baliteke atzerrian ere lankidetza-proiektuak izatea.
Batekin
Arabako boluntariotzarako eta parte-hartze sozialerako agentzia da.
Boluntariotza egin nahi duten pertsonei informazioa eta orientazioa ematen die, eta boluntarioak behar dituzten hainbat erakundeteako programak partekatzen dituzte.
Boluntarioek parte hartzen duten proiektuak
Premiazko boluntarioak behar dituzten proiektuak
Elkarteak
Boluntariotza egin nahi duten pertsonak eta boluntarioak behar dituzten erakundeak harremanetan jartzen dituen ataria.
Proiektu baten bila bazabiltza, izen eman zurekin harremanetan jartzeko, edo kontsultatu boluntarioak bilatzen dituzten erakundeak, bilatu dezakezu zure lehentasunen arabera.
Gasteizko GGKEen direktorioa
Gasteizen eta kanpoan boluntariotza-proiektuak garatzen dituzten gobernuz kanpoko erakundeen eta garapen-erakundeen zerrenda.
Euskadiko GGKEen Koordinakundea
Euskal Autonomia Erkidegoko Gobernuz Kanpoko Erakundeak eta Garapenerako Erakundeak biltzen ditu. Dauden GGKEak kontsulta ditzakezu eta zure intereseko arlokoekin harremanetan jarri.
Euskadiko GGKEen Koordinakundea Informazio gehiago
Boluntariotza-programak dituzten erakundeak
Hirian boluntariotza-programak dituzten erakunde nabarmen batzuk.
Tokiko boluntariotza egiteko eskaintzak
Boluntarioak bila ailegatzen diren deialdiak biltzen ditugu. Gehiago jasotzen baditugu eguneratzen joango gara.
| Entitatea | Proiektua | Informazio gehiago |
|---|---|---|
| Cibervoluntarios | Gaitasun digitalak irakastea | @cibervoluntarios |
| ASPACE | Igeriketan haurrei laguntzeko. | ASPACEk boluntarioak bilatzen ditu |
| Arabako Elikagaien Bankua | Jundizeko biltegian laguntzeko. Goizez. Orga jasotzaileak erabili behar dira. |
Lola: 666110365 |
| Nagusilan | Bakardadean dauden adinekoei laguntzea. | 688 739 523 / 943 47 50 21 voluntariado@nagusilan.org |
| Nagusilan | Ajuria egoitzako pertsonekin paseatzeko. Ordubete, astearte goizean. | Informazio gehiago |
| Gurutze Gorria | Aisialdiko ekintzak haurrekin. Asteburuetan goizez. |
945 222 222 |
| Gurutze Gorria | Eskolako eta psikohezkuntzako laguntza. Aisialdiko eta denbora libreko jarduerak. Astean zehar arratsalde bat 17:00etatik 19:00etara |
945 222 222 |
| Cáritas | Lehen Hezkuntzarako, DBHrako eta Batxilergorako eskola-laguntza. | animacioneste@caritasvitoria.org 688646513 |
| Mauritania-Euskadi kultur elkartea | Gaztelaniazko klaseak. | 945 77 00 02 / 631 12 13 80 |
| AFRO | Gaztelaniazko klasea eta eskola-laguntza haurrekin eta gazteekin. | voluntariadoafro@asociacionafroamericana.es 603 37 58 76 / 638 44 08 18 |
Nazioarteko boluntariotza
Europako Elkartasun Kidegoa
Europar Batasunaren programa bat da, 18 eta 30 urte bitarteko gazteek boluntarioak izateko Europako hainbat herrialdetan, erakunde baten proiektua batean parte hartuz.
Europako Elkartasun Kidegoa Informazio gehiago
Europako Elkartasun Kidegoko partaide baten esperientzia
Euskadiko Gazteak Lankidetzan (Epea amaituta)
Eusko Jaurlaritzaren programa honen bidez, 22 eta 30 urte bitarteko gazteek boluntariotza egiten dute Euskadiko GGKEen lankidetza-proiektuetan parte hartuz hegoaldeko herrialdeetan.
Egonaldia udan izan arren, izena emateko epea hilabete batzuk lehenago da. Aurten epea otsailaren 14an amaitu zen, interesatzen bazaizu, adi egon datorren urterako.
Euskadiko Gazteak Lankidentzan Informazio gehiago
Euskadiko Gaztean Lankidetzan programaren partaide baten esperientzia
Nazioarteko boluntariotzako programak dituzten erakundeak
Beste herrialde batzuetan boluntariotza egiteko egonaldiak antolatzen dituzten erakunde batzuk:
Nazioarteko bake-brigadak, YMCA, Haces falta, Volunteer World, Adventure Volunteer, Volunteering Solutions, Worldpackers
Azuolandegiak
Udaleku moduko esperientzia baina proiektu batean parte hartuz.
Auzolandegiak 2024 (Epea amaituta)
Eusko Jaurlaritzak antolatutako gazte-boluntariotzako auzolandegiak. Euskadin, beste erkidego batzuetan eta atzerrian egiten dira. Mota desberdinetakoak daude: natura, ondarea, ekintza komunitarioa, etab. Gehienek 15 egun irauten dute eta beste komunitate edo herrialde batzuetako pertsonekin zaude.
Adinak:
- 14-30 urte, auzolandegiaren arabera.
- 14-26 urte Euskadiko auzolandegietarako.
- +18 nazioarteko auzolandegietarako.
Auzolandegiak Informazio gehiago
Estatuko eta nazioarteko beste auzolandegi batzuk
Gehiago jasotzen baditugu eguneratzen joango gara.
| Ekintza | Lekua | Adina | Entitatea | Más información |
|---|---|---|---|---|
Auzolana Topalekua, lana eta ikaskuntza |
Burgos | 2 tarte: 14-16 +17 | La fabrika de sueños |
https://youtu.be/smzpXi9gpkY https://www.lafabrikadesuenios.com/auzolan/ |
| Elkartasun auzolandegiak | Hego Amerika | +21 | Setem Hego Haizea | Epea amaituta. Urteroko deialdia. |
| Auzolandegiak, martxotik ekainera | Kenia | KVDA GKE | Isaac Oneka Munanairi |
Eta uda honetan, zer? Gidara itzuli