Etxegunea: parte-hartzeko gunea

Gasteizko Emakumeen Etxea hiriko mugimendu feministaren aldarrikapen historiko baten emaitza da. Hori dela eta, helburua da Etxea gune bizia eta irekia izatea beren egunerokotasunean eta eraikuntzan lagundu nahi duten talde eta erakunde feministentzat.

Etxegunea etxean dauden elkarte eta taldeen proposamenak partekatzeko gune parte-hartzailea da; gainerako ekimenak ezagutzeko, elkarren arteko sinergiak sortzeko eta etxearen funtzionamendua hobetzen laguntzekoa. Hori guztia, gure hiritik feminismoa bultzatzen jarraitzeko interes komunetik abiatuta.

Helburuak

  • Proiektuaren parte diren elkarte eta taldeek funtzionamenduan eta kudeaketan parte har dezaten ahalbidetzea.
  • Komunikazioa eta harremana sustatzea proiektuko elkarte eta taldeen artean
  • Lan sinergiak sortzea, eta interes komunerako proposamenak egitea. Ekimen berriak elkarrekin abian jartzeko tresnak, baliabideak eta jardunbide egokiak identifikatzea.
  • Etxearen funtzionamenduaren eta jardueraren jarraipena, balantzea eta ebaluazioa egitea.

Osaera

  • Gasteizko Udaleko Berdintasun Zerbitzua eta proiektuko Idazkaritza Teknikoa.
  • Egitasmoa osatzen duten elkarte eta kolektiboak.

Parte hartzeko baldintzak: kolektibo eta elkarte feministak, ikuspegi feminista, intersekzional, inklusibo eta plurala dutenak, EKIN! Gasteizko Genero Berdintasunerako V. Planetik eratorritako printzipioen arabera. Berdintasun Zerbitzuak onartuko du proiektuan sartzea.

Funtzionamendua

  • Etxegunek izaera kontsultiboa du. Gasteizko Udalak onartu beharko ditu bertatik sortzen diren proposamenak.
  • Urtean bitan bilduko da gutxienez. Horrez gain, mintzagaien premiak hala eskatuta ere deitu ahal izango da Etxegunea.
  • Lan batzordeak sortu ahal izango dira, eta batzorde horien osaera, funtzioa eta iraupena batzordeak berak finkatuko ditu.
  • Etxegunean parte hartu nahi duten talde edo elkarteek, gutxienez ohiko bi bileretan parte hartzeko konpromisoa hartuko dute.

Aurki gaitzazu

www.vitoria-gasteiz.org/emakumeenetxea

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.