Udalaren Opor Programa- Guraso elkarteek antolatutako jarduerak: udal baliabideak
2017an Gasteizko ikastetxe publiko eta hitzartuetako 25 guraso elkartek antolatu zituzten opor programak, Udalaren dirulaguntzarekin. Iazko udan, Haur eta Lehen Hezkuntzako 3.601 ikaslek hartu zuten parte jarduera horietan.
Ikastetxeetan bertan garatzen direnez, ikasleek ikasturte osoan ibili diren inguru fisiko eta sozial berean jarraitzeko abantaila eskaintzen diete familiei, eta bereziki egokiak dira ume txikienentzat.
Informa zaitez eta lagun iezaiozu zeure ikastetxeko guraso elkarteari!
Udal baliabideak
Udal sailek garatzen dituzten opor programez gain, ikasleen gurasoen elkarteek ere eskola oporretan aisialdi eta denbora librerako jarduerak antolatzen parte har dezaten bultzatu nahi du Udalak. Gasteizko ikastetxeetako guraso elkarteek udal baliabide hauek balia ditzakete 2018ko udan opor jarduerak antolatu nahi badituzte:
Diru-laguntzak emateko deialdia
Gasteizko Udaleko Hezkuntza Zerbitzuaren deialdia, opor programak antolatzen dituzten guraso elkarteei. 2018ko eskola-egunetik kanpoko denboraldian opor programen antolaketan eta kudeaketan guraso elkarteek parte har dezaten bultzatzea du xede deialdi horrek.
- Argibide eta harremanetarako: 945 161 536.
- Guraso elkarteei laguntza eta diru-laguntzak emateko informazioa.
Aretoak erabilera
Gizarte etxeetako zein udalaren kirol instalazioetako aretoak erabiltzeko aukera.
- Argibide eta harremanetarako: 945 161 100.
Euskara Zerbitzuaren aholkularitza
Guraso elkarteentzako aholkuak opor jardueretako proiektuetan hizkuntzaren erabilera zein izango den zehazterakoan.
Prestakuntza saioa programak garatzen dituzten arduradunekin edo begiraleekin, euskararen erabilera sustatzeko estrategiei buruz.
- Argibide eta harremanetarako: 945 161 588 | avadillo@vitoria-gasteiz.org
Zure iritziak axola digu
Nahi baduzu, iruzkinak egin ditzakezu.
Nahitaezkoa da identifikatzea.