Udako kultur programazioa 2021

Kaleko udako kultur programazioa Gasteizko plaza, lorategi eta espazio irekietara itzuliko da. Uztailaren 6tik eta irailaren 5era arte iraungo du. Publiko guztientzako jarduerez beteriko bi hilabete izango dira, hainbat diziplinatakoak eta hiriaren erdigunea zein auzoak agertoki izango dituztenak.

Gasteizko eta Euskadiko 120 konpainia eta taldek hartuko dute parte programazioan. Guztira, 150 ikuskizun taularatuko dituzte, hala nola antzezlanak, dantza saioak, kontzertuak, magia eta zirku-ikuskizunak, aire zabaleko zinema emanaldiak, bakarrizketak eta haurrentzako ikuskizunak.

Guztira, 14 gune izango dira, hiri osoan barreiatuta, asteartean hasita eta igandera arteko arratsalde guztietan.

Agertoki guztiak aire zabalean kokatutako eremu mugatuak izango dira, gehienezko edukierarekin, ikusleen arteko distantzia mantentzeko jarlekuekin eta Eusko Jaurlaritzaren indarreko araudiak ezarritako osasun neurri guztiak errespetatuz.

Sarrera librea izango da, erreserbarik gabe eta edukieraren leku guztiak bete arte.

Arduraz jokatu. Uda honetan ondo pasa burua galdu gabe.

Kontsulta itzazu baldintzak.

Hurrengo emanaldiak

Jarduera guztiak ikusi

Asteko programazioaren PDFa jaitsi: Udako kultur programazioa (Abuztuaren 3tik 8ra) pdf

Baldintzak

  • Ikuskizunak aire zabalean izango dira; esparruak itxi egingo dira, edukiera mugatua izango da eta sarbide-kontrola egongo da.
  • Sarrera librea izango da, erreserbarik gabe eta edukieraren leku guztiak bete arte.
  • Ikusleek eserita egon behar dute ikuskizun osoan zehar.
  • Ikusleek banaka eseriko dira eta sartu ahala hartuko dute tokia.
  • Sarbideak saio bakoitza hasi baino 30 minutu lehenago irekiko dira jende pilaketak ekiditeko.
  • Ezin da esparruaren barruan jan, edan edo erre.
  • Animaliak ezin dira sartu.
  • Irteera ere mailakatua izango da eta une oro antolatzaileen jarraibideak jarraitu beharko dira.
  • Eta gogoratu: Udan ere, libre izan nonahi!

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.