Aranbizkarreko BIZANek eta Aranbizkarra I osasun zentroak kafe tertulia bat antolatu dute Aranbizkarra auzoan dauden osasun baliabide eta aktiboak ezagutu eta mapeatzeko
2025eko urtarrilaren 20an argitaratua
Aranbizkarra I osasun zentrora iritsi berri diren Familia eta Komunitate Medikuntzako hiru egoiliarrek eta erizain komunitarioak lankidetza eskatu diote Aranbizkarreko BIZANi, Aranbizkarran dauden osasun baliabideak eta aktiboak ezagutu eta mapatzeko aukera emango dien ekimen bat garatzeko. Hauek dira osasun aktiboak: pertsonen ongizate fisikoa, emozionala, espirituala eta soziala hobetzen duten eta bizilagunek ezagutzen dituzten komunitateko edota auzoko baliabide, pertsona edo jarduera guztiak. Horregatik, kafe tertulia bat egitea pentsatu genuen, jarduera kolektiboa gisa, aukera izateko eztabaidatu, iritziak trukatu eta auzoko herritarrak ondo sentiarazten dituzten leku, baliabide, jarduera eta pertsonak identifikatzeko. Gainera, horrek erraztuko du osasun zentroan inguruko osasun baliabideak gomendatzea.
Topaketa produktiboa izan zen, eta auzoko osasun baliabideak identifikatu ziren, hala nola Aranbizkarreko BIZAN, Amaia Zentroa, gizarte etxeak, auzo elkartea eta osasun parkeak, besteak beste. Era berean, ibilaldi osasungarriak edo inguruko belaunaldien arteko jarduerak nabarmendu zituzten bertaratutakoek auzoko pertsonen ongizatea hobetzen duten baliabide gisa. Gainera, hobetzeko proposamenak planteatzeko eta gizarte sare bat sortzeko aukera izan zen, auzoan bizi diren pertsonen ongizate fisiko eta emozionala lantzeko helburuarekin.
Eskerrak eman nahi dizkiegu proiektu honetako parte hartzaileei laguntzeagatik.
Eskerrik asko!!!
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.