Bizikleta Konponketarako Estazioak

Bizikleta ohiko moduan erabiltzen baduzu, doan konpon dezakezu gizarte-etxeen kanpoaldean eta aisialdirako beste gune batzuetan dauden bizikletak konpontzeko estazioetan.

Gogoratu zure bizikleta behar bezala mantentzeak segurtasun handiagoa dakarrela ibilgailu hau erabiltzen duzunean.

Non?

Gizarte-etxeetan eta kiroldegietan.

Kontsultatu estazioen kokapenen zerrenda

Erabiltzeko argibideak

Estazioa irekita ez badago, eskatu giltza dagokion gizarte-etxean edo kiroldegian.

Zure bizikleta konpontzeko:

  1. Zintzilikatu ibilgailua eserlekutik konponketa-moduluaren goiko euskarrian, bizikleta eroso manipulatu ahal izateko.
  2. Aukeratu bizikletaren konponketarako beharrezko tresnak. Estazioko tresnak 5 mm-ko lodiera eta 1,5 metroko luzera erabilgarria duen altzairuzko kable antibandaliko batez lotuta daude. Tresna bat erabiltzeko, besterik gabe, egin ezazu tira kabletik bere luzeraren muga (1,5 metro) iritsi arte.
  3. Erabili ondoren, itzuli tresnak estazioaren barruko haren euskarrira.

Eskainitako tresnak

  • Puzgailua, balbula anitzeko egokigailua duena (gehienez 10 BAR): konektatu puzgailuaren balbula gurpilaren balbularekin (Presta edo Schrader balbula). Puzgailuak esku bakarreko erabilera erraz eta erosoa ahalbidetzen du. Egokitu presioa nahi duzun mailara, eta, ondoren, kendu puzgailua kontu handiz.
  • Bihurkin puntalauak eta izar-bihurkinak: erabil itzazu bizikletaren hainbat ataletako torlojuak doitzeko.
  • Allen giltzak: 2 mm-tik 12 mm-ra arteko tamainak dituen kit bat eskaintzen da. Honela, bizikletaren koadroan edo osagaietan Allen torlojuak askatu edo estutu ditzakezu.
  • T25 Torx giltzak: 9tik 40ra arteko tamainak. Segurtasun-torlojuetarako erabil ditzakezu, frenoetan eta eskulekuan nagusiki.
  • Giltza finkoa (8x10 mm eta 13x15 mm): doitze handiagoetarako erabil itzazu; esaterako, gurpilen azkoinak estutzeko.
  • Giltza ingelesa: hainbat tamainatako azkoneitarako.
  • Pneumatikoak desmuntatzeko tresnak: pneumatikoak hagunetatik kentzeko erabiltzen dira.
  • Orratz-puntako aliketak: lan finetarako edo pieza txikiak manipulatzeko.

Gurpilak puzteko, jarraitu pauso hauei:

  1. Estazioaren atea ireki, Udalak emandako giltza erabiliz.
  2. Konektatu puzgailuaren muturreko tutu txikia (pita) gurpilaren balbularekin (Presta edo Schrader balbula). Sistema erraz erabiltzen da, esku bakarrarekin puztu daiteke, eta manometro estankoarekin presioa denbora errealean ikusten duzu.
  3. Puztu gurpila nahi duzun presio mailaraino (gehienez 10 BAR).
  4. Kendu puzgailua kontu handiz, eta ziurtatu balbula ondo itxita geratu dela.
  5. Behin bukatuta, jarri berriro hodia estazio barruko haren euskarrian. Sistema diseinatuta dago hodia edo mahuka finko eta modu seguruan gera dadin erabiltzen ez denean.

Materiala

  • Balbula anitzeko egokigailua duena.
  • Manometro estankoa.
  • Hodia (mahuka).

Estazioak AISI 304 altzairu herdoilgaitzezkoa dira eta pintura-hautsarekin (RAL 9005) estalita daude, eta horrek erresistentzia eta iraunkortasuna bermatzen du. Gainera, tratamendu antibandalikoa dute, ekintza bandalikoetatik babesteko eta tresnak seguru mantentzeko. Tresnak estazioaren barruan babestuta egongo dira. Udalak sarbidea irekita daukanean bakarrik erabili ahal izango dira.

Informazio gehiago

VGH90 – Bizikletak konpontzeko guneak proiektua Vitoria-Gasteiz Hobetuz (2023-2024) laugarren edizioko proposamen gisa sortu da.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.