Udalaren hezkuntza jarduerak - Bizikidetza eta aniztasunerako zinema

Bizikidetza eta aniztasuna

2023-2024 ikasturtea / Gaia: Bizikidetza eta Aniztasuna

Izena ematen online

Deskribapena

Programa honek bizikidetza eta gizarte eta kultura alorreko aniztasunerako lan bat proposatzen du, urtero berria izango den ikus-entzunezko programazio baten bitartezko helburu ez diskriminatzaile argiarekin.

Parte hartzeko modalitatea on line eta presentziala da, eta aukera hauek ditu:

  • Hiru saiotan banatutako bost film labur ikustea, garatu beharreko gaiaren arabera eta hauen inguruan egindako material didaktikoa jorratuko dugu.
  • Film luze bat ikustea eta hauen inguruan egindako material didaktikoa jorratuko dugu.

Ikus-entzunezko material hauek aukeratu dira:

Film laburrak

Aniztasunaren aldeko eta diskriminazioaren aurkako lana

#Boza: selfie formako migrazioak (A. Surinyach eta S. Sajous, 2020, 16 min.)

Anna Surinyach eta Séverine Sajous argazkilariek egindako proposamen hunkigarri eta original honek, 5W aldizkariak estreinatua, Alhassane, Aminata, Mamadou, Mariam eta Yahyaren migrazioak kontatzen ditu, Europara nola iritsi diren lehen pertsonan eta beren irudiekin azaltzen dutenak.

Mugimenduan dauden pertsonak ikusten diren moduan erakusten dituen filma da, baita beren senideen eta lagunen aurrean erakutsi nahi dutena ere. Zuzendariek migrazioei buruzko pluralaren lehen pertsonako selfie gisa definitzen dute.

Genero-berdintasunaren aldeko lana

Minutu bateko iraupena duten hiru film laburrez osatua.

  • Film laburra 1: “Vives” (Alicia eta Alejandro Villaplana, Espainia, 2020): Film labur honek erakusten digu emakumearen bizitzaren ildoa jaiotzatik haratago doala, hazi, erreproduzitu eta hil egiten zarela.
  • Film laburra 2: “Multitask”(Eva Moreno, Espainia, 2020). Emakumea gai da lan egiteko, ama izateko, eta askoz gehiago, gizarteak uzten badio.
  • Film laburra 3: “Por mis venas corre heroina” (María Canel, Espainia, 2020). “Heroinas en 60 segundos” antolatutako lehiaketako lehen sariaren irabazlea, film labur honek emakume guztien historia batzen du: erreferenteak, borrokalariak, biktimak, langileak. Minutu bizi honek denok bat sentitzea eragiten du.

Desgaitasuna duten pertsonak gizarteratzeko lana

Sorda” (Eva Libertad eta Nuria Muñoz, Espainia, 2021,18 min.)

Miriam Garlok, entzuten ez duen aktoreak, Angela emakume gorrari bizia ematen dio. Emakume horrek amatasunaren beldurrei aurre egin behar die, desgaitasuna duten pertsonekiko oztopoz eta diskriminazioz betetako gizarte batean.

Film laburrak gorreriaren gainean oraindik ere nagusi diren beldur eta aurreiritzi batzuei buruz hausnartzera gonbidatzen gaitu, informazio, sentsibilizazio eta estaldura mediatiko, politiko edo sanitarioaren faltak erru eta etsipen sentimenduak sorrarazten baititu.

Film luzea

El novato” (Rudi Rosenberg, Frantzia, 2016, 81 min)

Benoit, hamalau urteko gaztea, Parisera iritsiko da familiarekin. Bere herabetasuna dela eta, kosta egiten zaio institutu berriko ospetsuenen artean sartzea. Zenbait saiakeraren ondoren, adiskidetasuna aurkitzen du Aglaéerengan, integratzeko arazorik ez duen nolabaiteko desgaitasun fisikoa duen neska batengan; Constantín, klaseko enpolloia eta Joshua, nortasun handiko mutil argia, institutuko hierarkia sozial altuenetan ere ez dagoena.

Aretoan edo ikasgelan ikusteko film luzea

Balioak

Bakearen kultura, ekitatea, inklusioa.

Helburuak

Aniztasunaren kultura sustatzea.

Hartzaileak

DBHko, DBHOko eta beste kolektibo batzuetako ikasleak eta irakasleak.

Antolamendua

  • Lekua: eskola-geletan eta zineman bertan egingo da.
  • Hizkuntza: euskara eta gaztelania.
  • Oharrak: izena eman ondoren, irakasleekin harremanetan jarriko gara informazio gehiago lortzeko.

Parte hartzeko betebeharrak

  • Izen-ematea: aldez aurretik izena eman behar da.
  • Ordaintzekoa: ez.
  • Oharrak: Oharrak: izen-emateak plazak baino gehiago izanez gero, Bizikidetza eta Aniztasuna Zerbitzuak esleitzeko irizpideak ezarriko ditu.
  • Parte hartuko duten ikastetxe eta taldeek Vitoria-Gasteiz Hiri Hezitzailea proiektua berariaz aipatu beharko dute, jardueraren inguruko informazioa hedatu edo komunikatzean.

Informazioa

  • Antolatzaileak: Alkatetzaren eta Erakunde Harremanen Saila, Bizikidetza eta Aniztasun Zerbitzua.
  • Laguntzailea: Irudiberria Elkartea
  • Harremanetarako: Bizikidetza eta Aniztasun Zerbitzua 945 16 13 45 / bizikidetza.convivencia@vitoria-gasteiz.org

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.