Adinekoentzako zainpeko apartamentuak
Hainbat arrazoirengatik beren etxeetan bizitzen jarraitu ezin duten pertsonentzako bizitokiak dira. Etxebizitzak pertsona batentzako edo birentzako dira, etxe-giroa ematen dieten ekipamendu independenteak dituzte, eta hainbat zerbitzu komunean. Talde profesionala egunean zenbait orduz dago bertan. Lagundu egiten dio pertsona bakoitzari bere autonomia, gaitasunak eta bizi-proiektua mantentzen, eta, bidez batez, familia, lagun eta komunitatearekiko harremana ere sustatzen du.
Nork eska dezake?
65 urteko edo hortik gorako pertsonek, 1. graduko mendekotasuna aitortua izanik.
Plazak leku libreak dauden neurrian esleitzen dira. Pertsonak ezin du zentroa aukeratu.
Non eska daiteke informazio gehiago edo eskabidea egin?
Bizilekuaren arabera egokitutako Oinarrizko Gizarte Zerbitzuan.
Gizarte-langileak baloratu egingo du eskatutako baliabidea beharrezkoa eta egokia den.
Baliabidearen prezioa urtero ezartzen da 8.3 Ordenantza Fiskalean.
Zainpeko apartamentuen kokapena eta harremanetan jartzeko modua.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.