Ville à Vélo: bizikleta sustatzeko politika eredugarriaren aitortza

2023az geroztik, Gasteizek Frantziako Tourrak ematen duen "Ville à Vélo" saria du, eta bere puntuazio gorenarekin, hau da, lau bizikletarekin. Bereizketa horren helburua udalerriek eguneroko txirrindularitza sustatzeko hartutako ekimenak bultzatzea eta aitortzea da.

2023ko edizioan aurkeztutako 32 udalerrietatik hiruk bakarrik lortu dute lau bizikletaren puntuazioa, bizikleta sustatzeko politika eredugarria ziurtatzen duena. Horrela, euskal hiriburua benetako bikefriendly hirien talde esklusiboan sartu da: Kopenhage, Rotterdam, Valkenburg, Paris, Bordele eta Gasteiz.

Zigilu hau lortzeko, udalerriko bizikleta bidezko mugikortasun politikaren azterketa sakona egin da. Gasteizen kasuan, hauek dira politikaren indarguneak:

• Bizikleten mugikortasun politika ondo egituratua dago 2010etik, helburu argi eta errealistak ditu eta lan-metodologiak mugikortasuneko beharrei erantzuten die.
• Bizikleten banaketa 2010ean % 3 izatetik, 2020an % 15 izatera igo da.
• Bizikletentzako azpiegitura-sareak kalitate onekoak dira eta eten gutxi dituzte.
• Hiriko leku estrategikoetan epe luzeko aparkaleku-zerbitzu seguruak daude.
• Kirol-jarduerak egiteko parte-hartze zuzena eta laguntza dago.

Halaber, ‘Ville à Vélo’ aipamenak hau uste du: “Gasteiz mugikortasun jasangarriarekin konprometitutako lekua da, zalantzarik gabe. 2010etik, Bizikleten Mugikortasunerako Gida Plana ezartzearen bitartez, hiriak kuantitatibo eta kualitatiboki garatu du hiriko mugikortasun-aukera hori herritarrentzat”.

Era berean, nabarmendu du Gasteizek bidegorri-sare handia duela “herritarrak segurtasun handiarekin mugitu ahal izateko”.

‘Ville à Vélo du Tour de France’ etiketa

‘Ville à Vélo du Tour de France’ etiketa 2021ean sortu zen eta txirrindularitza profesionala mugikortasun jasangarriarekin lotzea du helburu. Egiaztagiria eskuratzeko, udalerriek bizikleta sustatzeko dituzten sistema guztiak nabarmendu behar dituzte eskaera-orrian eta tokiko epe labur eta ertainerako garapen-planak aurkeztu behar dituzte.

Hauek dira baloratzen dituzten irizpideetako batzuk: azpiegituren hedapena, bizikleten segurtasuna hobetzea, ‘bizikletan nola ibili’ ikastea, aparkalekua eta lapurreten aurkako borroka, mantentze-lana eta konponketak, etab.

Azken finean, bizikleta garraiobide gisa, aisialdirako tresna gisa edo kirola egiteko tresna gisa garatzeko ekarpena egiten duten abian jarritako neurriak hartzen dira kontuan.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.