Ingurugiro Gaietarako Ikastegia - Eremu hondatuak berreskuratzea

Banner del CEA

Hasiera orria | Abian dauden proiektuak | Amaitutako proiektuak | Argitaratzeak | Albisteak

HoliSoils proiektua: klima aldaketaren aurrean baso-lurzoruen jarraipena egitea Gamizen

Nazioarteko lankidetza proposamena da , Horizon2020 programak finantzatuta. Mundu osoko 20 erakundek, klima aldaketak baso-lurzoruetan duen eragina ikertu eta horri aurre egiteko basoen kudeaketa nola egokitu daitekeen aztertuko dute. Gure udalerrian, IGIren, proiektuko kide den BC3 Institutuaren (Basque Center for Climate Change) eta Landa Eremuko Zerbitzuaren arteko lankidetzaren bidez, 1 hektareako baso-lurzati esperimentala ezarri da Gamiz kontzejuko mendi batean. Bertan, erkametz basoek heriotza-gertakarien aurrean duten portaera monitorizatzeaz gain, basoak kudeatzeko metodoak hautatu ahal izango dira, aldaketara egokitze aldera. Proiektua 2025ean amaituko da.

Mendebaldea proiektuaren V. fasea: Jundizko parkea, hegoaldea

Mendebaldea proiektuaren V. faseak Jundiz parkearen korridore berdea osatzea du xede, eta, hori lortzeko, ingurua basoberritu eta oinezkoentzako eta bizikletentzako bidea egingo da, N-102 errepidearen eta industrialdearen artean. Jarduketa horiekin, proiektuaren aurreko faseak Gasteiz hiriarekin lotuko dira: alde batetik, oinezkoentzako eta txirrindularientzako bideari esker, langile eta enpresariek aukera izango dute mugikortasun jasangarriaren bidez zuzenean iristeko enpresetara edo Jundizko Zerbitzu Zentrora; bestetik, baso-landaketak klima-aldaketaren eragina arintzen eta paisaia hobetzen lagunduko du.

Hiriko parke eta soropiletan konposta gehitzearen proiektua

CEA Green Lab beka egitasmotik proposatutako esperimentua da hau, hiriko zoruen eta landareen propietateak hobetzea helburua duena alde batetik eta biohondakinen konpostatzea sustatzea bestetik.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.