Ibilgailuak

Gasteizko PSISZk ibilgailu lagungarri ugari ditu, hirian eta inguruetan sortzen diren larrialdien arabera erabiltzen direnak. Besteak beste, ibilgailu hauek erabiltzen dira hirian: suteak itzaltzeko ponpak, ura garraiatzeko tangak, goialdeko erreskateak egiteko auto-eskailerak, erreskate ibilgailuak edo ibilgailu lagungarriak.

Ponpak

Suteak itzaltzeko erabili ohi diren ibilgailuak. Apar-dosifikagailuak dituzte. Ponpa hauek dira aipagarrienak:

Hiri ponpa astuna (BUP) B-4

Gasteizen suteak itzaltzeko erabiltzen den ibilgailu mota. Probintziako herrietan gertatzen diren suteetarako erabiltzen da.

Ezaugarriak

• Kabina bikoitza, burua (kaboa), gidaria eta 4 suhiltzaile espezialista sar daitezen.
• 3.000 litro ur dituen tanga.
• Ponpa konbinatua, presioko 8 baretan 3.000 litro minutuko eman dezakeena, eta 40 baretan, 400 litro minutuko.
• Arnasketa autonomorako ekipamenduak suhiltzaile guztientzat.
• Hainbat tresna, ateak irekitzeko, argiztatzeko, aireztatzeko, aparra jaurtitzeko...

Hiri ponpa astuna (BUP) B-5

B-4aren antzeko ezaugarriekin, baina ponparen ahalmen eta potentzia pixka bat gehiagorekin. Hiriguneko suteetarako erabiltzen da.

Ezaugarriak

• Kabina bikoitza, burua (kaboa), gidaria eta 4 suhiltzaile espezialista sar daitezen.
• 3.500 litro ur dituen tanga.
• Ponpa konbinatua, presioko 10 baretan 3.000 litro minutuko eman dezakeena, eta 40 baretan, 400 litro minutuko.
• Arnasketa autonomorako ekipamenduak suhiltzaile guztientzat.
• Hainbat tresna, ateak irekitzeko, argiztatzeko, aireztatzeko, aparra jaurtitzeko...

Hiri ponpa astuna (BUP) B-7

Aurreko biak baino txikiagoa, eta ezaugarri desberdinen batekin, prebentzio eta laguntzetarako eta trafiko-istripuetarako egokiagoa egiten duena.

Ezaugarriak

• Kabina erraza, 3 pertsona sar daitezen.
• 2.000 litro ur dituen tanga.
• Ponpa konbinatua, presioko 10 baretan 2.000 litro minutuko eman dezakeena, eta 40 baretan, 400 litro minutuko.
• Arnasketa autonomorako ekipamenduak suhiltzaile guztientzat.
• Hainbat tresna, ateak irekitzeko, argiztatzeko, aireztatzeko, aparra jaurtitzeko...

Basorako auto-ponpa. B-8

Arabako baso suteen eskumena AFArena da, baina beharrezkoa bada Gasteizko suhiltzaileek laguntza ematen diete Aldundiko baso taldeei; ibilgailu honi esker suteak itzal ditzakete udalerriko leku irisgaitzetan, ahalmen handia baitu leku zailetatik mugitzeko;iraulketen kontrako barrak ere badauzka, eta langarreztagailuak, garren artetik igarotzeko.

Lur orotakoa denez neguan elurra kentzeko hortza eransten zaio, Elurte Planaren barruan erabili ahal izateko.

Ezaugarriak

• 3.600 litroko tanga.
• 10 baretan 2.000 litro eta 40 baretan 400 litro eman dezakeen ponpa.
• Kabina babesteko ihinztagailuak.

Tangak

Tangei ama-punpa astunak ere deitu ohi zaie, eta suteetan baino ez dira erabiltzen. Une honetan suhiltzaile etxeak bi tanga ditu, biak berdinak. Auto-ponpekiko desberdintasun nagusia ur-edukiera da, hornikuntza bermatu ezin den lekuetarako idealak eginez.

T1 ama-punpa astuna

• Kabina erraza 3 suhiltzaile garraiatzeko.
• 11.000 litro ur dituen tanga.
• 10 baretan 3.500 litro/minutuko eta 40 baretan 400 litro/minutuko eman dezakeen ponpa konbinatua.
• Presio baxu erregulagarriko apar-dosifikagailua, minutuko 450 eta 2.400 litro artekoa.

T4 ama-punpa

• Kabina erraza 3 suhiltzaile garraiatzeko.
• 9.000 litro ur dituen tanga.
• 10 baretan 3.000 litro/minutuko eta 40 baretan 400 litro/minutuko eman dezakeen ponpa konbinatua.
• Presio baxu erregulagarriko apar-dosifikagailua.
• Iraulketen kontrako barrak

Auto-eskailerak

Goialdeko salbamenduetarako eskailerak dituzten ibilgailuak behar dira, azkar eta erraz iritsi ahal izateko. Gasteizko suhiltzaileek horrelako 3 ibilgailu dituzte orain.

E1 Auto-eskailera

Parkeko ibilgailurik modernoena da. Autobrazoaren abantailak ditu, hala nola monitorea saskian eta zati artikulatu bat, eta autoeskaileren mugimenduen arintasuna.

• Gehieneko altuera 30 m da.
• Saskiaren gehieneko edukiera: 500 kg.

E5 Auto-eskailera

• Gehieneko altuera 39 m da.
• Saskiaren gehieneko edukiera: 230 kg.

E5 Auto-besoa

• Gehieneko altuera 44 m da.
• Saskiaren gehieneko edukiera: 500 kg.

Auto-eskailerak baino altuera handiagoa lortzeagatik bereizten da, baina hedapen-prozesua ez da hain intuitiboa eta askoz motelagoa da. Aitzitik, saskitik ura jaurtitzea ahalbidetzen duten monitore batzuk ditu, eta ez dute inolako instalaziorik egin behar.

Erreskate ibilgailuak

Harrapatuta geratu diren pertsonak edo animaliak salbatzeko behar den materiala garraiatzeko erabiltzen dira, bai eta lan edo trafiko istripuetan ere. Halaber, tranbiak istripurik izanez gero lan egiteko beharrezko materiala dute.

S1 eta S2

Ekipamendua:

• Pertsonak askatzeko ekipoa.
• Kabestrantea.
• Berariazko lan-taldea tranbiarekin.
• 20KVa-ko alternadorea.

Beste ibilgailu batzuk

Lur orotako J izeneko ibilgailuak daude, funtzio askotakoak, eta, gainera, esku-hartzearen arduradunaren ibilgailua da.

Elur-garaietan hiriaren funtzionamendu ona mantentzen laguntzeko deskribatutako funtzioez gain, erraz egokitzeko moduko 3 ibilgailu daude, elurra hortzekin, gatzontziarekin eta gatzunarekin kentzen laguntzeko.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.