Hiria eta ekonomia - Enpresen sostengu sarea

Erakunde publiko eta pribatuen sare aberats batek enpresei sostengu eta zerbitzu ematen die, eta hori ere abantaila bat da enpresa-jarduera berriak ezartzerakoan. Izan ere, Gasteizen inbertitu nahi duenak badaki ez dagoela bakarrik.

• Kualifikazio handiko esku lana, hiriko eta inguruko unibertsitate eta lanbide heziketako zentroetan prestatua.
• Administrazio publikoak eta garapen agentziek erraztasunak ematen dituzte enpresek gure lurraldean inbertitu dezaten.
• Jarduera batzuetarako, aukerarik onena Miñaoko Teknologia Parkea litzateke. Orobat, interesgarria litzateke jakitea zer eskain dezaketen Tecnalia sarea osatzen duten teknologia zentroek, bai eta EAEn dauden klusterren bidez enpresek berek abian jarritako jarduerak eta zerbitzuak ere.
  Teknologia parkea, zentro teknologikoak eta klusterrak.
• Enpresa antolakunde orokorrek zein sektore edo eremu jakinetakoek, bai eta elkargo profesionalek ere, aholkularitza eta laguntza eman dezakete, inbertsioa arrakastatsuagoa izan dadin.
• Hornitzaile eskaintza zabala: lehengaiak, makineria, obren proiektu eta garapenak, jarduera abian jartzeko eta gerora garatzeko zerbitzu aurreratuak.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.