Enpresentzako laguntza - Vitoria-Gasteiz Laborategi Hiria

Vitoria-Gasteiz laborategi hiria

Zer da?

Programa honen helburua da hirirako interes publikoko soluzio berritzaileak ingurune errealetan probatu nahi dituztenek -enpresek, ikerketa- eta berrikuntza-zentroek, fundazioek, elkarteek, lanbide-heziketako eta unibertsitateko zentroek eta antzeko erakundeek-, hori Gasteizko udalerrian egin ahal izatea.

Mugikortasunak eta logistikak gure lurraldean duten garrantzia dela eta, Vitoria-Gasteizko Udalak eta Arabako Foru Aldundiak Mobility Lab Vitoria-Gasteiz Fundazioa(Beste leiho batean irekiko da) sortu dute, eta Innovation Lab bat garatu dute, zortzi esperimentazio-gunez hornitua (droneentzat, ibilgailu konektatuentzat, garraio publikoarentzat, mikromugikortasunarentzat, azken miliako banaketarentzat...). Espazio fisikoak dira, teknologiaz hornituak eta datu-espazio elkartua dutenak.

Zer da irtenbide berritzailea?

"Hiriarentzako interes publikoko irtenbide berritzailea" hau da:

  • Irtenbidea: produktu bat, garapen teknologikoa, zerbitzua edo metodologia, edo problematika bati erantzuteko gai den elementu horien konbinazioa. Garapen teknologikoak heldutasun teknologiko handiko faseetan (TRL) egon behar dira.
  • Berritzailea: merkatuan dauden eta merkaturatu aurreko fasean dauden irtenbideei dagokienez, irtenbide berria edo nabarmen hobetua dutenak.
  • Interes publikoa: politiketan, zerbitzuetan eta ondasun publikoetan eragin positiboa izan nahi duten irtenbideak, "eragin soziala" sortuz.

Helburuak

  • Enpresei, klusterrei, prestakuntza-zentroei, unibertsitateei eta abarri beren garapen teknologikoaren testak, monitorizazioa eta frogak egiten laguntzea, balioztatu edo hobetu ahal izateko. Horrela, baldintza errealpean aritu eta emaitzarik hoberenak lortu ahal izango dituzte. Tokiko enpresek berezko teknologia izatea sustatzea.
  • Nazio mailan eta nazioartean salerosteko eta merkaturatzeko ahalmena duten produktu teknologiko berrien garapenean laguntzea.
  • Tokiko enpresei zabalkundea ematea, bezero potentzialen aurrean ezagutzera emateko erakusleihoa eskainiz.
  • Vitoria-Gasteizko ekonomia nabarmentzea, puntako produktuak baititu etorkizuneko sektoreetan.
  • Beren berrikuntzak Vitoria-Gasteizen probatu nahi dituzten beste lekuetako enpresak erakartzea. Horrela, kanpoko ezagutza ekartzen da, eta tokiko sektoreak beharbada aprobetxatu dezake ezagutza hori. Gainera, hiria berrikuntzan erreferente izatea lortzen da.

Parte hartzeko eskabidea

Argibideak

010 informazio telefonoa (945 16 11 00) | ciudadalaboratorio@vitoria-gasteiz.org

Proiektuak

  1. Laboreak babesteko egitura mugikorraren gaineko instalazio agrovoltaikoa pdf. PowerfulTree S. L.
  2. Nordago - Pertsonen presentzia eta mugikortasuna denbora errealean monitorizatzeko sistema pdf. Teknei Digital S. A.
  3. Osasun estrukturalaren monitorizaziosistema ez-intrusiboa pdf. Inalia Innovación y Desarrollo S. L.
  4. BATTO, tokian tokiko ingurumenari buruzko informazio-sistema pdf. Deusto Sistemas, S. A.
  5. Ekitaldiak eta ekintzak kudeatzeko eta komunikatzeko gailu mugikorrentzako aplikazio bat probatzea pdf. Quibu Network.
  6. Ingurune fisikoa teknologia berrien bidez hautemateko aukera ematen duen Danok proeiktua probatzea pdf. Konektik Smart Innovation, S. L.
  7. Ingurumena zaintzako sare bat sortzea Vitoria-Gasteizko Eraztun Berdeko parkeetan pdf. Airestudio Geoinformation Technologies, S. Coo.
  8. Telekudeaketa eta Telekontrola egiteko GESTENER sistema pdf. Soprener, S. L.
  9. Dvalux eguzki farola pdf. Del Valle Aguayo, S. A.
  10. Turbec pdf. Del Valle Aguayo, S. A. y Argolabe Ingeniería.
  11. Sager II pdf. AEG Power Solutions Ibérica, S. L.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.