Zahartzearen, adinekoen eta adinekoentzako zentro soziokulturalen pertzeptioari buruzko azterlana

Gasteiztarrok zahartzeari, adinekoei eta adinekoentzako zentro soziokulturalei buruz zer pentsatzen dugun jakiteko azterlan (pdf) bat egin da 2018an. Ikerketaren ondorioak abiapuntutzat hartuko dira zenbait ekintza garatzeko, helburu hauekin: adinekoei buruzko estereotipoak haustea, gizartean eta komunitatean adinekoen presentzia eta protagonismoa sustatzea, adinekoen zentro soziokulturalen irudia eta jarduera zein programen eskaintza hobetzea, eta pertsonak zentroetara lehen aldiz sartzera motibatzeko bideak bilatzea.

Azterlanaren ondorio nagusiak

Zahartzaroko ongizateari buruzko pertzepzioa

Estereotipoen arabera, inboluzioa gertatzen da, eta zahartzaroa aje eta gaixotasunez beteriko garaia da, heriotzarik gertukoa.

Pertzepzio okerrak:

• 65 urtetik aurrera, osasunak okerrera egiten du nabarmen.
• Adinekoek mendekotasun handiagoa dute.

Errealitatea:

• 65 eta 79 urte bitarteko pertsonen erdiak baino gehiagok diote beren osasun egoera ona edo oso ona dela.
• 80 urtetik gorako pertsonen % 73 ez da mendekoa.

Adinekoen gaitasun eta jarrerei buruzko pertzepzioa.

Estereotipoen arabera, adinekoak

• Sormen gutxiko pertsonak dira.
• Bakarrik daude.
• Portaera zurrun eta zorrotzekoak dira.
• Laguntza behar dute eguneroko arazoak konpontzeko.

Errealitatea:

• 65 eta 79 urte bitarteko pertsonen % 84-92k bere kabuz bete ditzake oinarrizko egitekoak.
• 80 urtetik gorako adinekoen % 70ek ez du laguntzarik behar oinarrizko egitekoak betetzeko, eta % 44k ez du inolako laguntzarik behar.
• Oro har, adinekoak sortzaileak eta aktiboak dira, eta pertsonalki eta sozialki ongi moldatzen dira.
• Bizipoza ez da gutxitzen adinarekin.
• Funtzio kognitibo batzuk hobeto artikulatzen dira zahartzaroan, sozio-afektiboak, esaterako.

Adinekoen gizarte egitekoari buruzko pertzepzioa.

Estereotipo ohikoenak:

• Gaitasunik eza.
• Bakardadea.
• Produktibitate eza.
• Adinekoen lotura eza gizarte interesekin.

Errealitatea:

• 65 urtetik gorakoen % 77k oso maiz izaten ditu gizarte harremanak.
• Laurogei urtekoen % 48k egunero egiten du ariketa fisikoren bat edo kirola.
• Jakinduria iturri dira.
• Familia inguruneko zaintzaren funtsezko zutabea dira.
• Lagunak dituzte.
• 65 urtetik gorako pertsonen % 50ek zaintza-lanen bat egiten du, eta % 11k baino ez du zaintzarik behar.

Adinekoentzako zentro soziokulturalei buruzko pertzepzioa.

Estereotipoak:

• Adinekoentzako zentroak ez dira oso pertsona aktiboentzat.
• Adinekoentzako zentroetara, gehien bat, kartetan aritzera joaten da jendea.
• Jendea 75 urtetik aurrera hasten da adinekoentzako zentroetara joaten.

Errealitatea:

• Erabiltzaileak oso aktibo eta parte-hartzaileak dira.
• 60 urtetik gorako gero eta pertsona gehiago hurbiltzen da zentroetara.
• Zentroetara doazen 60 eta 74 urte bitarteko pertsonen eta 75 urtetik gorako pertsonen portzentajea antzekoa da.
• Jarduera ugari programatzen dira.
• Zentro soziokulturaletako jardueretako asko adinekoek berek antolatzen dituzte.

Ikerketa osoa (pdf)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.