Gasteizko Ekonomia Suspertzeko Plana
Tokiko ekonomiaren aldeko jarduketak, COVID-19aren krisialdian
Gasteizko udalak laguntzak jarri ditu abian merkatariei, ostalariei eta hainbat sektore ekonomikotako enpresa txikiei laguntzeko. Planak 2,7 milioi eurotan baloratutako ekintzak ditu, eta bost ardatzetan banatzen da:
1. ardatza. COVID-19 ezohiko laguntzak
- Helburua: osasun eta higiene-materiala erosten laguntzea.
- Hartzaileak: Alarma-egoerak eragindako 10 langilera arteko enpresak.
- Ekintzak: COVID-19aren aurrean babesteko inbertsioetarako ezohiko laguntzak, enpresetarako, txikizkako merkataritzarako eta ostalaritzarako.
- Inbertsioa guztira: 750.000 €.
2. ardatza. Bertako establezimendu txikien, ostalaritzaren eta hotelen babesa
- Helburua: inbertsioa eta eraldaketa digitala merkataritzan eta ostalaritzan.
- Hartzaileak: Gasteizko udalerrian ezarritako txikizkako merkataritzaren, zerbitzu pertsonalen eta ostalaritzaren alorretako enpresa txikiak, 50 langilera artekoak.
- Ekintzak:
- Txikizkako merkataritzaren eta zerbitzu pertsonalen alorreko enpresa txikiak ezarri, eraberritu eta modernizatzeko laguntzak.
- Ostalaritza alorreko enpresa txikiak eta hotelak ezarri, eraberritu eta modernizatzeko laguntzak.
- Txikizkako merkataritzaren eraldaketa digitala bultzatu eta laguntzea, teknologia berrien bitartez enpresa horien lehiakortasuna optimizatzeko baliabide gisa.
- Inbertsioa guztira: 445.000 €.
3. ardatza. Bertako enpresa-ehuna sendotzea
- Helburua: sortu berri diren enpresei laguntzea (5 urte baino gutxiagokoak), bereziki industria-sektoreetan.
- Hartzaileak: enpresak eta ekintzaileak.
- Ekintzak:
- 10 langilera arteko enpresak sendotzeko laguntzak.
- Ekintzaileentzako bekak.
- Ikus-entzunekoen sektorerako laguntzak.
- COVID-19 laguntzei buruzko informazio zerbitzua.
- Aholkularitza ekonomiko eta finantzarioko zerbitzua.
- Udalaren enpresa zentroetako alokairuaren ordainketa atzeratzea.
- Gamarrako atea kaleko zati bat berritzea.
- Inbertsioa guztira: 1.012.300 €.
4. ardatza. Enplegua mantentzeko laguntza
- Helburua: enpresa txikiei laguntza ematea COVID-19aren aurretik zuten plantilla berreskuratu eta mantentzeko.
- Hartzaileak: 10 langilera arteko enpresak.
- Ekintzak:
- Enplegua mantentzeko laguntzak mikroenpresentzat, eta Gasteizko aurrekontu partida handitzea.
- On line prestakuntzako ikastaroak egokitu eta indartzea.
- Inbertsioa guztira: 450.000 €.
5. ardatza. Gasteizko turismoa sustatzea
- Helburua: Vitoria-Gasteiz marka indartzea turismo helmuga jasangarri bezala.
- Hartzaileak: zerbitzu turistikoak eskaintzen dituzten edo sektore turistikoan eragina duten 10 langilera arteko enpresak eta autonomoak.
- Ekintzak: Turismo-produktuak eta -esperientziak sortzeko eta garatzeko ezohiko laguntzak. Bi linea bereizten dira, bata esperientzia turistikoak sortzen dituzten enpresei bideratua eta bestea biltzar-turismoa sustatzera bideratua.
- Inbertsioa guztira: 40.000 €.
Informazio gehiago
Gasteizko Ekonomia Suspertzeko Plana 
Gasteizko Ekonomia Suspertzeko Planeko laguntza bakoitzak berezko deialdi, eskera-epe eta tramitea izango du. Udalaren webgunean eta ALHAOn argitaratuko dira.
Deialdi hauei buruz informazioa garaiz jaso nahi baduzu, eman izena Ekonomia Sustapen, Enplegu, Merkataritza eta Turismoaren Saileko buletin elektronikoan.
Lotutako informazioa
- Ahora Vitoria. Orain Gasteiz: hiria suspertzeko eta inor atzean ez geratzeko plana
- COVID-19ak ekonomian duen eragina arintzeko neurriak
- COVID 19 - Laguntza ekonomikorako neurriak
Zure iritziak axola digu
Nahi baduzu, iruzkinak egin ditzakezu.
Nahitaezkoa da identifikatzea.