Autobus Geltokia - Autobus eta autokar bidaiarien eskubideak

Atal honetan autobus edo autokarretan bidarien eskubideen inguruan Europako Batzordeak argitaratu duen eta indarrean dagoen legedia laburbiltzen laburbiltzen(Beste leiho batean irekiko da) da (gaztelaniaz).

Bidaiarien eskubideen alorrean, eta 2013ko martxoaren 1etik aurrera, Europako Parlamentuaren eta Kontseiluaren 2011ko otsailaren 16ko 181/2011 erregelamendua(Beste leiho batean irekiko da) (gaztelaniaz) aplikatzen da.

Erregelamendua erabat aplikagarria da distantzia luzeko bidaietan (250 kilometrotik gorakoetan); alabaina, soilik xedapen jakin batzuk aplikatu daitezke zerbitzu guztietan, distantzia laburragoko bidaietan era bai.

Hona distantzia luzeko zerbitzuetan (hots, 250 kilometrotik gorakoetan) aplikatu daitezkeen eskubide berrietako batzuk:

  1. Hiru ordukoak baino luzeagoak diren bidaien kasuan, irteerak 90 minutu baino gehiagoko atzerapena badu edo bidaia bertan behera geratzen bada -betiere arrazoia baldintza meteorologiko txarra edo ezbehar natural bat izan ez delarik-, konpainiak janaria, freskagarriak eta alojamendua eskaini beharko dizkie bidaiariei. Horrez gain, bidaiariak hotel batean bi gau pasatzeko eskubidea izango luke, gehienez 80 euroko kostukoa gau bakoitzeko.
  2. Neurriz gaineko erreserbak egin badira (overbooking edo gainerreserba), baldin eta bidaia aurreikusitako ordua baino 120 minutu baino gehiago atzeratzen bada edo bidaia bertan behera geratzen bada, garraiobide alternatiboa edo diru-kopurua itzultzearen bermea.
  3. Txartelaren prezioaren % 50eko kalte-ordaina, baldin eta bidaia aurreikusitako ordua baino 120 minutu baino gehiago atzeratzen bada edo bidaia bertan behera geratzen bada, eta garraio enpresak ez badio bidaiariari garraiobide alternatiborik edo diru-kopurua itzultzea eskaintzen.
  4. Zerbitzua atzeratu egiten bada edo bertan behera geratu, enpresak horri buruzko informazioa eman behar du.
  5. Ibilgailuak izandako istripuaren ondorioz inor hilik edo zauriturik gertatzen bada, edo ekipajea galdu edo kaltetu bazaio, gutxieneko arreta eskainiko zaie, bereziki lehen behar praktikoak asetzeari dagokionean (hotel batean bi gau pasatzeko eskubidea barne, gehienez 80 euroko kostukoa gau bakoitzeko).
  6. Doako eta beren beharrei berariaz egokitutako laguntza urritasunik edo mugikortasun murriztua duten pertsonentzat, nola geltokietan, hala autobus eta autokarretan; hala beharko balitz, baita doako garraioa laguntzaileentzat ere.

Horrez gain, jarraian adierazitako zerbitzuak zerbitzu guztietan aplikatzekoak dira, baita 250 kilometro baino gutxiagoko bidaietan ere:

  1. Ezin da tarifetan eta kontratuaren baldintzetan bidaiarien artean bazterkeriazko harremanik ezarri beren nazionalitatean oinarrituta.
  2. Ezin zaie tratu baztertzailerik eman urritasunik edo mugikortasun murriztua duten pertsonei; gainera, istripuren baten ondorioz beren mugikortasun-ekipoa galduko balute edo kaltetu egin balitzaieke, kalte-ordainak ordaindu beharko zaizkie.
  3. Bidaiari buruzko gutxieneko informazioa eta beren eskubideei buruzko informazio orokorra eman behar zaie bidaiari guztiei eskaini behar zaie, bidaia hasi aurretik (geltokian) eta iraun bitartean (ibilgailuan). Ahal delarik, informazio hori erraz eskuratzeko moduko formatuetan eskainiko da, bidaiariak aurretiaz eskatu duelarik, eta berariaz mugikortasun murriztuko pertsonen onuran.
  4. Erreklamazioak izapidetzeko mekanismoa ipini behar dute garraio enpresek bidaiari guztien eskura.
  5. Estatu kide bakoitzean erakunde nazional independenteak daude, Erregelamendua aplikatzeko eta -beharrezko denean- zigorrak ezartzeko agindua dutenak.
  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: