Aldabe kalea eta bere ingurua berritzeko lanak, Aldabe eta Ziutadela plazak barne, hiritarren parte-hartze prozesuaren bidez jaso ziren auzoko bizilagunen ekarpenetatik abiatutako proiektu bat da. Proposamena da egungo eremu publikoa berrantolatuz oinezkoentzako eremua handitzea, erakargarritasun komertzial handiagoa sortzeko estetika hobetzea, zaharkitua dagoen zoladura erabat berritzea, banku eta egoteko eta elkartzeko toki berriak instalatzea, eta hondatuta dauden instalazioak eta zerbitzuak hobetzea (argiteria eta saneamendu-sarea, adibidez).
Jarduera hau Vitoria-Gasteiz Green Mobility Next proiektuaren barruan dago. Proiektu hau aukera paregabea da jauzi kualitatibo bat egiteko eta mugikortasun deskarbonizatu baterako trantsizioa nabarmen bizkortzeko, espazio publikoan pertsonak benetako protagonistak izan daitezen.
Aurreikusitako jarduerek esku-hartze mota ugari hartzen dituzte baitan, baina helburu komun batera bideratuta, eta, gainera, egoki koordinatu eta elkarren artean estuki lotutako jarduerak dira, horietako askok elkarren beharra baitute arrakasta izateko. Ildo horretan, proiektuak 10 jarduera biltzen ditu guztira, bat datozenak TMA/892/2021 aginduan jasotako 4 ardatzetatik 3kin eta 17 jarduketa-tipologietatik 7rekin.
Jarduera NextGenerationEU – Europar Batasunak finantzatua da eta Suspertze, Eraldatze eta Erresilientzia Planan ardatzetan dago sartuta. Hain zuzen, hemen kokatzen da proiektu hau: 1. palanka-politika(Beste leiho batean irekiko da): "Hiri- eta Landa-Agenda, despopulazioaren aurkako borroka eta nekazaritzaren garapena" (gaztelaniaz) | 1. osagaia(Beste leiho batean irekiko da): "Hiri- eta metropoli-inguruneetan mugikortasun iraungarri, seguru eta konektatuaren talka-plana" (gaztelaniaz).
Jarduketari buruzko prentsa-oharrak.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
