Floridako jaiotza monumentala

1962az geroztik, abenduan jaiotza monumentala jarri ohi da Gasteizko Florida parkean. Munduan parerik ez duen jaiotza da, tamaina errealeko 80 pertsonaiak baino gehiagok eta 100 elementuk baino gehiagok osatua, besteak beste, animaliak, eraikinak eta objektu apaingarriak.

Urtez urte handitu eta eraberritu egiten da, bisitariek haitzuloan uzten dituzten dohainak baliatuz; haitzuloan Jesus haurra, Jose, Maria, mandoa eta idia babesten dira.

Ezinbestekoak

  1. Florida parkean ibiltzea eta bertan galtzea. Parke osoa bihurtzen da jaiotzaren irudikapena, mendiak, errekak eta errotak barne.
  2. Misterioaren haitzuloan sartzea, jaiotzaren erdigunea baita. Han zaudela, ekarpen txiki bat egin zorte ona erakartzeko eta irudiak zaharberritzen laguntzeko.
  3. Irudi enblematikoak bisitatzea: Ekialdeko Errege Magoak, Herodes eta haren gaztelua eta herrixka. Oso hurbil, parkean bertan, bisita egin diezaiekezu Olentzero eta Mari Domingiri, eta zure gutuna postontzian utzi.
  4. Txoko berriak aurkitzea, eszenak lekuz eta formaz aldatzen baitira urte batetik bestera.
  5. Soinuei arreta ematea, eta argiztapenak eta giro-musikak ingura zaitzaten uztea.
  6. Argazki bat egitea haurrarekin eta astoarekin.
  7. Eskalearen estatua bilatzea; horren bidez gogorarazi nahi da Gabonetan ere badela kalean bizi den jenderik, hotzetik babesten duen aterperik gabe.

Hastapenak

  • 1962ko abenduaren 24an jarri zen lehen aldiz; hasieran Misterioa, Deikundea eta asto bat zeraman mandazain baten irudia besterik ez zituen. Bitxikeria gisa, inaugurazioaren eguna benetan hotza izan zen: 18 gradu zero azpitik.
  • 1974an, 50 figurak osatzen zuten jada, eta talde esanguratsuenak agertzen ziren.
  • Irudiak hasieran eskaiolazkoak ziren, etxeetako jaiotzetakoen antzekoak. 1985ean hasi ziren poliesterrez eta beira-zuntzez moldatzen, klima hobeto jasaten baitute, eta errazago garraiatzen eta zaharberritzen baitira.
  • Urtez urte handitu eta berritzen da jaiotza, herritarrek haitzuloan egindako ekarpenei esker.

Bisitak eta argibide gehiago

  • Urtero, abenduko zubian hasita eta Errege eguna ospatu ostera arte bisitatu daiteke. Informazio gehiago Gabonak Gasteizen orrialdean.
  • Tokia: Florida parkea.
  • Bisita gidatuak: bisita gidatuak egiteko aukera dago. Jaiotzaren historia kontatzen da, baita irudiei buruzko kondairak ere. Informazio gehiago nahi izanez gero, jo ezazu Turismo Bulegora.


https://www.flickr.com/photos/vgturismo/albums/72157713628521241(Beste leiho batean irekiko da)

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.