Vitoria-Gasteizko Udalaren web-orria - Natura Araban

Arabako azaleraren ia hiru laurdenek dute babes mailaren bat Gozatu lurraldeko parke naturalez, bertako ibilbide berdeez eta babestutako beste espazio batzuez, Vitoria-Gasteizetik kilometro gutxi batzuetara.

Parke naturalak

Arabak bost parke natural ditu: Valderejo, Euskal Herriko sail arre kolonia handienarekin; Gorbeia 110 metroko ur-jauziarekin eta harizti ikusgarriarekin; Izki, non harkaitzetan zizelkatutako kobazulo artifizialen haitzarte bat nabarmentzen den, Urkiola, putre, sai zuri eta belatz handien habitat naturala, eta Aizkorri-Aratz, mendikate luzea eta euskal mendizaletasunaren erreferentzia puntua.

Babestutako beste espazio natural batzuk

Euskadiko Red Natura 2000 sarearen erdia baino gehiago Araban aurkitzen da. Babestutako espazioen sare bat da Europa mailan interesgarria den fauna eta florarekin. Lurralde honetan 29 espazio daude guztira, beste batzuen artean, mendiak, ibaiak, hezeguneak, basoak, larreak eta harkaitzak daude.

Ibilbide berdeen sarea

Sare honek 1.000 kilometro ditu Araba ezagutzeko errepideekin oinez edo bizikletan balio handiko paisaietatik. Bide zaharrak berreskuratzeko proiektua da, hala nola erabiltzen ez diren mandazain bideak edo trenbideak. Ibilbide batzuk tokiko ibilbideak dira Ullibarri-Gamboa urtegiko ibilbidea esate baterako, beste batzuk aldiz Ibilbide Luzeak dira (GR). Badaude garrantzi historiko-artistiko handia dutenak, hala nola Donejakue bidea eta Ignaziotar bidea. Beste batzuk aldiz, identitate izaera dute: Artzaintza bidea.

Gasteizko mendiak

Batez beste 1.000 metroko altuera duen mendikatea da (altuera maximoa Kapildui mendiak dituen 1.177 metroak dira). Guztira 5.000 hektarea daude. Erkamezti eta pagadiekin iparralderantz ematen duten hegaletan eta artadiak hegoaldeko mendi-magaletan. Faunari dagokionez, elkarrekin bizi dira aztoreak, orkatzak eta arrano espezie desberdinak, gaueko harrapariak eta okilak.

Argazki galeria