Udalaren Gazte Plana
Gasteizko Udalaren Gazte Plana gazte-ikuspegia udal-ekintzaren alderdi guztietan integratzen duen tresna da; halaber, bateratu egiten du tokiko administrazio publikoak egiten duen lana gazteei dagokienez,.
2004tik gaur egun arte egin diren gazte planak diseinatu dira udal arlo guztietan eta udaleko sail guztietatik garatzen diren gazte-politikak egituratzeko tresna gisa.
Udalaren 5. Gazte Plana 2023-2025
Bilakaera horretan, eta pandemiak markatutako Gazte Plan Berezia amaitu ondoren, hiru urteko iraupena (2023-2025) izango duen ohi bezalako Gazte Plan batlanduda. Horri esker, epe ertaineko plangintza bat egin ahal izango da; plangintzan gazte-politikek apustua egingo dute gazteen eta haiekin lan egiten duten erakundeen parte-hartzearen eta inplikazioaren alde, lankidetzatik abiapuntu plan hurbila, kalitatezkoa eta egungo errealitatera egokitua eraikiz.
Misioa
Gazte Planaren xedea da gazteei bizi-proiektu bat egiteko erraztasunak ematea, laguntza proaktiboaren bidez, norberari bere bizitzako une eta fase egokienean, emantzipazioko, prestakuntzako eta autonomia ikasteko prozesuen edozein alditan, lana bilatzeko edozein fasetan edo lan-munduaren baitan, familia independente bat sortzeko orduan...
Gizartearen aldaketaren eragile bihurtu nahi ditu gazteak, gazteen kezka-iturri diren eta haiei eragiten dieten errealitatearen alderdi guztietan parte hartuz eta bizi diren hirian eta gizartean herritar aktibo gisa aritzeko duten ahalmenez jabetuta.
Horretarako, gazteen protagonismoa, parte-hartzea eta inplikazioa bultzatuko ditu Gazte Planak, beren bizi-proiektuaren garapenean pertsona gisa garatzen eta aurrera egiten lagunduko dieten proposamenak nahiz Gasteizen garapenean lagungarri izango diren proposamenak diseinatzeko eta praktikan jartzeko orduan.
Jarduera eremuak
Errealitatearen diagnostikoa egin eta txosten, azterlan eta ekarpenetatik lortutako alderdirik garrantzitsuenak batu ondoren, Planaren eraikuntzan parte hartu duten eragileekin jardun eremu hauek adostu dira, hain zuzen ere Bosgarren Gazte Planaren erronkak markatuko dituztenak:
1.-Emantzipazioa. Enplegua, etxebizitza, hezkuntza formala eta ez-formala.
2.-Ekitatea. Bakerako hezkuntza,elkarri entzutearen kultura, indarkeria matxistaren prebentzioa eta informazioa eskuratzea.
3.-Osasuna. Osasun mentala: emozioen pedagogia; hezkuntza afektibo-sexuala, bizitza osasungarria.
4.-Herritartasuna Parte-hartzean, boluntariotzan eta aisialdian eta denbora librean heztea.
5.-Sormena. Arte-adierazpena, gazte-gunea.
6.-Tokiko-globala. Harrera, elkartasuna, gure kultura, lurralde-kohesioa eta garapena, ingurumena, natura-ingurunearen babesa eta hiri-iraunkortasuna.
70 ekintza
Bosgarren Gazte Planak 70 ekintza aurreikusten ditu 2023-2025 hirurtekoan.
Hala ere, kontuan izan behar da gazteen errealitatea aldakorra dela, eta, beraz, une oro jakin behar da egoera horretaz, behar besteko malgutasuna izateko, gazteekin lotutako neurriak une bakoitzean aurkezten diren baldintzetara egokitu ahal izateko. Ekintza horiek urte batekoa, bi urtekoa edo hiru urtekoa iraupena dute, bakoitzaren ezaugarrien eta helburuaren arabera.
Irudia aukeratzeko lehiaketa
Gasteizko Udalak 5. Gazte Planaren irudia aukeratzeko lehiaketa deitu du. Otsailaren 10era arteko epea daukazu.
Aurreko planak
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.