Ahozko narrazioa: "Isiltasunaren kartografia"

Eta isiltasunaren mapa bat egingo bagenu? Nora eramango ote gintuzke?

Gure bizitzan irristatu diren hitzik gabeko gune horien kartografia egiterik bagenu, zer forma izango luke gure barneko kartografiak? Gaztaro menditsuak, edo haurtzaroko haran zabalak topatuko genituzke agian. Edo bideak bat batean mozten dituzten amildegiak.

Kontaketa honetan, Odeik azaleko arrakaletatik oihuka datozen kontuak kontatuko ditu, barneko itsaso harrotuan orroka ari zaizkion olatuei ahotsa emango die.

Odei Arregik bidaia bat proposatzen digu, denboran, eta espazioan, bera izango dugu gidari eta ipuinak ibilgailu.