2026ko apirilaren 29an argitaratua
Mendizorrotzako igerilekuen sarrera arte plastikoetarako, musikarako eta dantzarako gune bihurtu da gaur arratsaldean, Etorkizuneko Bulegoaren udal-ekimenaren barruan. Horren helburua da hiriaren etorkizuna bere 2030 Hiri Agendaren inguruan eraikitzen ari diren estrategia guztiak integratu eta koordinatzea.
Jarduerak oso publiko espezifikoa bildu du proiektu honen inguruan: Vitoria-Gasteizko gazteak, hiriaren etorkizun horren eta planteatzen dituen behar eta erronken ordezkariak baitira.
Gai horrekin lotuta, Mendizorrotzako igerilekuen inguruan egindako murala inauguratu da, zehazki, Jose Luis Compañon kalean, Kirolklubaren sarreraren parean. Diego Berruete gasteiztarrak egindako horma-irudi horren izenburua “Gure hiria, gure etorkizuna” da, eta gazteak irudikatzen ditu lehen planoan, eta, haien buruen gainean, beren ametsak, irrikak eta etorkizunaren ikuspegia irudikatzen dituzten eszena batzuk: lan-aukerak, ingurune osasungarri batean bizitzeko aukera edo etxebizitza bat eskuratzea ahalbidetzen duen hiria.
Muralaren inaugurazioa, hain zuzen ere, publiko gazteari zuzendu zaio, eta Oasys gazte kolektiboak diseinatutako performancea izan da ikusgai. Ekitaldi honetan, Kalalo musika-ekoizle gazteak sortutako abesti argitaragabe bat aurkeztu da, muralaren ideia bera helarazi nahi duena: gazteek etorkizunean jartzen dituzten itxaropenak eta etorkizunak nolakoa izan beharko lukeen ikusteko modua (gaur eraikitzen ari diren Gasteizekin lotura estua duena). Abestia Uxue Alfaraz abeslari gasteiztarrak interpretatu du zuzenean, dantza garaikideko emanaldiak lagunduta. Dantza hori ere bertako dantzari gazte bikote batek prestatu du okasio horretarako.
Joan den martxoan aurkeztu zenetik, hainbat sozializazio-ekintza egin dira, abian jarri dela ezagutarazteko eta Gasteiz eta bere Hiri Agenda GJHen printzipioen pean garatzeko estrategia eta horrek hiriaren egunerokoan duen eragina erakusteko. Beste ekintza batzuen artean, erakusketa egin da Loma Jeneralaren plazan edo “GJHen ibilbidea” egin zen apirilaren 17an. Bertan, BIZAN zentroetako hogei bat ikasle eta erabiltzaile Gasteizko 2030 Agendaren garapenarekin lotutako hiriko hainbat puntutan ibili ziren. Bisitatutako toki horietako batzuk izan ziren hauek: Herrandarren kaleko erreforma, Alde Zaharreko enpresen hazitegia edo Zaramagan egiten ari diren birgaitze-prozesua.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
