Zamalanen arautegia

Informazioa eguneratuta: 2025

Zamalanak, oro har, Izaera Urbanoko Bide Publikoetako Erabilera, Trafikoa, Zirkulazioa eta Segurtasuna Arautzen dituen Udal Ordenantzaren 12. artikuluan arautzen dira. Ordenantzak ezartzen duenez, "Udal agintariek zehaztuko dituzte zamalanak egiteko erreserbatuta egongo diren lekuak", eta "eguneko nahiz asteko aldi jakin batzuetara mugatzeko ahalmena" izango du.

Zentzu horretan, baldintza bereziak ezartzen dira hiriko zenbait gunetan.

Zabalguneko oinezkoentzako guneak

Zamalanetarako ordutegia 07:00etatik 11:00etara izango da (larunbat eta igandeetan izan ezik; izan ere, egun horietan ez da, oro har, zamalanik onartuko), jarraian adieraziko diren oinezkoentzako guneetan:

  • Jesusen Zerbitzarien kalea
  • Probintzia plaza
  • Diputazio kalea
  • Alamedako Markesaren plaza
  • Andre Maria Zuriaren plaza
  • Loma Jeneralararen plaza
  • Espainia plaza
  • Urrezko Zeledonen plaza
  • Agirre Lehendakariaren kalea
  • Posta kalea (Andre Maria Zuriaren plazaren eta Bake kalearen arteko zatian)
  • Dato kalea (Posta eta Manuel Iradier kaleen arteko zatian)
  • San Prudentzio kalea
  • Arka kalea eta plaza
  • Foruen kalea (Independentzia eta Olagibel kaleen arteko zatian).

Ordutegi horretatik kanpo, Zabalguneko oinezkoentzako guneetako zamalanetako eragiketa guztiak ondoko kaleetako zamalanetako aparkalekuetatik egin beharko dira, ezarrita duten ordutegian.

Egun berezietan ordutegia luzatzea

Urteko hainbat garaitan, merkataritza aretoetako beharrak areagotu egiten dira jardun gehiago izaten baitute. Hori dela eta, egokitzat jotzen da garai horietan zamalanetarako ordutegia 07:00etatik 12:00etara izatea, garraiolariek bere lana egiterik izan dezaten.

2025ean ordutegia luzatuko da egun hauetan(igande eta jaiegunetarako ez du balio, izan ere, egun horietan ez baita zamalanik baimentzen, oro har):

  • Urtarrila: 2tik 4ra biak barne.
  • Apirila: 14tik 16ra biak barne, eta 19, 29 eta 30.
  • Maiatza: 2 eta 3.
  • Uztaila: 21etik 24ra biak barne, eta 26.
  • Abuztua: 1etik 9ra biak barne.
  • Urria: 27tik 31ra biak barne.
  • Abendua: hilabetea osorik.

Erdi Aroko hirigunea

Mugikortasunaren eta Espazio Publikoaren Saileko zinegotzi ordezkariaren 2021eko maiatzaren 3ko Ebazpenaren arabera, zamalanetarako ordutegia 12:00etan amaitzen da Erdi Aroko hirigunean eta San Antonio kalean.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.