Liburuak Trukatzeko Azoka – Liburutegien Eguna

Liburutegien Nazioarteko Eguna ospatzeko, Liburuak Trukatzeko Azoka antolatzen du urtero Gasteizko Liburutegi Sareak. Azokan, Iradier Arena literaturaz betetzen da da, baita jarduera gehiagoz ere: haurrentzako lantegiak, musika zuzenean, ipuin kontalariak….eta trukeak barra-barra, noski! Udalaren Liburutegi Sareak milaka liburu jarri ohi ditu eskura.

Hurrengo edizioa: 2024ko urrian aurreikusten da.

Lekua: Iradier Arenan izan ohi da.

Egunak: normalean, Liburutegien Egunetik (hots, urriaren 24tik) gertuen dagoen asteburuan izaten da, larunbat eta igandean.

Nahi baduzu, azken edizioaren egitaraua ezagutu dezakezu, bai eta trukearen arauak ere:

Trukearen arauak 2023

  • Pertsonako 5 liburu trukatu ahal izango dira gehienez.
  • Soilik 2000. urtetik aurrerako liburuak trukatzeko aukera egongo da.
  • Trukatu ahalko diren liburu motak: haurrentzako eta helduentzako liburuak.

Lau kategoria desberdindu ditugu:

  • 1. kategoria: Helduentzako Literatura. 2010 eta 2023 bitarteko edizioak.
  • 2. kategoria: Helduentzako Literatura. 2000 eta 2009 bitarteko edizioak.
  • 3. kategoria: Gaiak.
  • 4. kategoria: Haur eta gazte literaturak

Edizio-urteaz gain, liburuaren ezaugarriak ere kontuan hartuko dira. Liburu bakoitzari dagokion kategoria liburuzainek erabakiko dute beti. Ados ez egotekotan, liburua ez uzteko aukera egongo da.

  • 2000 baino lehenagoko edizioak.
  • Aldizkariak, entziklopediak, bideoak, DVD-ak eta CD-ak.
  • Testu-liburuak, unibertsitatekoak, informatikakoak edo teknikoak.
  • Azpimarratuta, apurtuta edo egoera eskasean dauden liburuak.
  • Liburuki solteak.
  • Gida liburuak, geografia liburuak eta ikerketa soziodemografikoak.

Liburutegi Sarearen jarduera gehiago

Ikasturte osoan zehar antolatzen dituzte jarduerak liburutegiek. Ezagutu programazioa Udal Liburutegi Sarearen orrialdean.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.